Jon Spencer & The HITmakers
'Spencer Gets It Lit'
Diskoetxea: In The Red Records.
Blues Explosion alde batera utzi, eta Jon Spencerrek egitasmo berria abiatu du The HITmakers taldearekin batera: Bob Bert (Pussy Galore, Sonic Youth...) hondakin metalikoak astintzen, Sam Coomes (Quasi) teklatuetan eta Janet Weiss (Sleater-Kinney) baterian. Hartara, goi mailako taldea osatu du bere kantuak grabatzeko, eta emaitza hasiera batean irudika daitekeena baino askoz erakargarriagoa da. Liderraren aurreko proiektuen arrastoak bere horretan dirau, batez ere abesteko maneretan, baina horren gainetik teklatuetan eta askotariko soinuetan oinarritzen den osotasun dantzagarria gailentzen da. Sailkaezina eta sexya, entzulea hordituko du. Asteartean Bilbon izango da taldea; ostiralean, Miarritzen.
Iruzkinak
Ez dago iruzkinik
Ordenatu