Mugak zaintzeko kodea «malgutzea» nahi du Europak

Estatu Islamikoarekin borrokan ari diren jihadista europarrei jazartzeko, Schengengo akordioek aurreikusten dituzten kanpoko mugen kontrolerako kodeak «gaurkotzea» nahi dute Europako Batasuneko Barne ministroek. Bidaiarien agiriak herrialde bakoitzaren, Europako Batasunaren eta Interpolen datu baseekin sistematikoki alderatzea debekatu egiten du Schengenek, eta, oraingoz, kontrolak zorroztea hitzartu dute. Baina etorkizunean eskuorri «malguago bat» erabiltzeko aukera eskatu diote Europako Batzordeari.