Bat egiteak dira siderurgia «salbatzeko» bidea

Juan Antonio Jainaga Arabako, Bizkaiko eta Gipuzkoako siderurgia enpresak elkartzearen alde mintzatu zen. «Altzairua ekoizten duten guztiez mintzo naiz, baita gero barrak eta hodiak egiten dituztenez ere». Haren ustez, sektorea «salbatzeko» bide bakarra da, enpresa txikiek arazo asko dituztelako. Akordioez harago joatea defendatu zuen: «Bat egiteez ari naiz». Tubacex, Tubos Reunidos, Arcelor eta Olarra izendatu zituen. Oraingoz «kafe makinako kontaktuak» dira, baina gaiari heltzeko asmoa du. «Askok dute ideia gustuko, baita Jaurlaritzak ere. Baina inork ez du lehen pausoa eman». Azken hamabost urteetan altzairugintzaren ekoizpena erdira jaitsi da.