Noiz sortua: 2018-03-01 00:30:00

Alavesek asko dauka jokoan gaur Levanteren kontra, Mendizorrotzan

Eñaut Agirrebengoa -

2018ko martxoak 1

Inoiz ez da samurra 4-0 galtzea, baina Santiago Bernabeuko estropezuak ez luke Alaves itsutu beharko. Finean, logikaren barruan sartzen da esku hutsik gelditu izana. Eta kolpea ahaztu ezinik badabil, horretarako primerako abagunea du gaur, Levante aurkari zuzena hartuko baitu Mendizorrotzan. Ez da izango edonolako partida. Irabaziz gero, pauso handia emango luke mailari eusteko bidean, eta hamabi puntura utziko luke Levante; berriz galduta, ordea, zalantza egiten hasiko lirateke berriro.

Baikor izateko arrazoi dezente dituzte Alavesen. Nagusia etxean erakusten ari diren sendotasuna da. Azken sei partidetatik bost irabazi dituzte, eta bat berdindu. Bederatzi gol sartu dituzte, eta hiru besterik ez dizkiete sartu. Hori gutxi ez, eta neurria hartua diote Levanteri. Izan ere, ez dute galdu haren kontra azken 21 urteetan. Epe horretan zortzi lehia jokatu dituzte elkarren aurka, eta seitan gasteiztarrak gailendu dira. Gaurkora bolada negargarrian iritsiko da Levante: hamahiru partida daramatza irabazi gabe.

Abelardok jokalari guztiak izango ditu eskuragarri, Vigaray eta Hectorren ohiko salbuespenekin. Munir hamaikakora itzuliko da, iragan jardunaldian zigorra bete ondotik. Bestalde, Bernabeun partida aulkian hasi zuten Martinek, Pinak eta Ibaik, eta litekeena da gaur hasieratik aritzea. Hala, etxean zelairatu ohi duen hamaikakoa aterako du Abelardok. Partida «zaila» espero du, «Levante oso talde landua delako. Ez dago bolada onean, baina bi aldeetatik apur daitekeen lehia horietako bat izango da».

ALAVES-LEVANTE

Alavese. Pacheco; Martin, Laguardia, Ely, Duarte; Ibai, Pina, Manu Garcia, Pedraza; Munir eta Guidetti.

Levante. Oier; Coke, Postigo, Rober, Luna; Lerma, Lukic, Campaña,

Morales; Ivi eta Sadiku.

Epailea. Fernandez Borbalan.

Lekua. Mendizorrotza (19.810 ikusle).

Ordua. 21:30ean (BeIN La Liga).

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Maiatzaren 28an eguneratua, 18:00etan. ©BERRIA

Koronabirusaren azken datuak

Berria

Azkeneko 24 orduetan hiru pertsona hil dira COVID-19 gaitzaren eraginez, 23 positibo atzeman dituzte PCR probekin, eta sei gaixo ospitaleratu dituzte. Euskal Herrian 28.976 gaixok eman dute positibo guztira, koronabirusa atzemateko probaren bat eginda. Horietatik 2.037 hil dira. Grafikoak, albiste barruan.

Baionako ospitalea, artxiboko irudi batean. ©Guillaume Fauveau

Mugak irekitzeko eskariak ugaritu egin dira

Berria

Edouard Philippek aipatu du mugako kontrolak kentzeko aukera. Ekainaren 15etik aitzinera izanen litzateke. Iñigo Urkulluk eta Alain Roussetek eskari horixe egin dute; Urkullu Espainiako presidenteari zuzendu zaio, eta Rousset, Frantziakoari, gutun bidez. «Akitania Berria-Euskadi-Nafarroa Euroeskualdean mugaz gaindiko mugikortasuna errazteko» eskatu diete. Nafarroako Gobernuak ere bat egin du eskari horrekin.

Gipuzkoaren eta Lapurdiren arteko mugako saltokiak. Muga ekainaren 15ean zabaltzea «litekeena» dela esan du Edouard Philippe Frantziako lehen ministroak. ©Jon Urbe / Foku

Ipar Euskal Herria bigarren fasean sartuko da ekainaren 2tik aitzina

Oihana Teyseyre Koskarat

Ostatuak zabalduko dituzte, baina neurri zorrotzak errespetatzeko baldintzarekin. Hirugarren fasea ekainaren 22an hastea espero dute.

Irun eta Hendaia arteko muga, apirila erdian ©Guillaume Fauveau

«Mugaz gaindiko mugikortasuna zabaltzeko» eskatu dute Urkulluk eta Roussetek

Berria

Gutun bat bidali dio Iñigo Urkullu EAEko lehendakariak Espainiako Gobernuko presidenteari, «Akitania Berria-Euskadi-Nafarroa Euroeskualdean mugaz gaindiko mugikortasuna zabaltzeko». Gutun beraren kopia helarazi dio Alain Rousset Akitania Berriko presidenteak Edouard Philippe Frantziako Gobernuko lehen ministroari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna