HILBERRIA. Iñigo Oiarzabal

Ezusteko galera Gureak-en

RKA RUBIO / FOKU

Erredakzioa -

2018ko uztailak 11
Gureak enpresa taldean egun latza izan zuten atzo, Iñigo Oiarzabal taldeko zuzendari nagusiaren ustekabeko heriotzaren albistearekin esnatu baitziren. Astelehen gauean hil zen Oiarzabal, bihotzekoak jota. 53 urte zituen. Zazpi urte zeramatzan Gureak-eko zuzendaritzaren buruan, eta, aurretik, beste zenbait ardura kargu ere izan zituen. Adibidez, zerbitzuen dibisioko zuzendaria izan zen 21 urtez.

Desgaitasunak dituztenentzako lan aukerak sortzen dituen enpresa talde bat da Gureak, eta, batez ere, Gipuzkoan jarduten du, industrian, zerbitzuetan eta marketineko alorretan. Enpresa taldeak 44 urteko ibilbidea du jada, eta, gaur egun, 5.600 langile dauzka; horietako %82k gaitasun urritasunen bat dute.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna