Hamar urte beteko ditu aurten Gasteizen telebistako produktuak erakusteko egiten denFesTVal jaialdiak. Irailaren 3tik 9ra egingo dute, eta, aurten lehen aldiz, Netflix plataformak hartuko du parte, atzo zabaldu zutenez. Ez dute esan zer produktu aurkeztuko dituen plataformak Gasteizen.
Streaming zerbitzu bat da Netflix, hau da, ikus-entzunezkoak kable edo Lurrezko Telebista Digitalaren bidez eman ordez, Interneten bitartez eskaintzen ditu. Bideoklub gisa hasi zen 1990eko hamarkadan, AEBetan, DVDak postaz zabaltzen, eta, 2011. urtean, filmak, dokumentalak eta telesailak ekoizteari ekin zion. Plataformaren produktuen artean daude Stranger Things telesaila eta Black Mirror saioaren hirugarren eta laugarren denboraldiak.
Jaia Mendizorrotzan
Euskal Herriko, Kataluniako eta Espainiako telebista kateak eta ekoizleak bildu ditu orain arte FesTVal jaialdiak. Bakoitzak bere produktuak erakusteko agertoki gisa erabili izan du. Jaialdiaren gala nagusia Principal antzokian egin dute orain arte, baina, aurtengoa, Mendizorrotza pabiloian egingo dute, irailaren 8an. Hainbat musika talde eta abeslari arituko dira; tartean, ETB1eko Go!azen telesaileko aktoreak.
Gasteizko FesTVal jaialdiak Netflix hartuko du lehen aldiz
Iruzkinak
Ez dago iruzkinik
Ordenatu