Albistea entzun

BI AHOTSETARA

Bidegurutzean (eta III)

Gorka Erostarbe Leunda -

2021eko ekainak 20

Hirunaka-hirunaka, bakarlariak, taldeak, gisa askotako musikariak elkar-gurutzatu ditu Bidegurutzean saioak asteazkenero, Euskal Telebistaren lehenengo katean. Urte askoko hutsunea betetzera zetorren saioa, oso urriak izan baitira telebista publikoan musikari buruzko saioak, are gutxiago zuzenean beren-beregi grabaturiko emanaldiak biltzen dituztenak. Oso urrun geratzen dira musikazalearen memorian, ia zokondoan, Popazoro (Kaki Arkarazok gidatua) eta Katukale (Edurne Ormazabalek gidatua).

Deabruarekin hizketan jarri ditu Galder Izagirre saioaren zuzendariak musikariok, eta euskal musika eszenaren —eszenen esan behar genuke akaso— erradiografia zabal samar bat osatzeaz bat, hainbat elkarrizketa iradokitzaile sorrarazi ditu. Estetikoki nahiz teknikoki, soinu zein irudi, gaindiezina iruditu zait saioa, bai kabina barruko elkarrizketetan zein handik kanpoko musikarien topaketa-emanaldietan. Aldika deabruak niri ere egin dit zimiko, ordea. «Tira, ondo, baina, nirekin izandako solasaldiek ez al dute hartu bide mistiko errepikakorra sarriegitan?». Alegia, zenbaitetan galdera zehatz-lurtarragoak izan ditut faltan, eta behin musikariak bidegurutzera ekarrita, zergatik ez jarri elkarri galde-erantzunez, zatiren batean bederen. Gauza interesgarriak aterako ziratekeen.

Abestien topaketa-gurutzaketan jo du goia saioak, nire irudikotz. Hiru artisten bidegurutze horretan gauza aski eder eta aberastuak atera baitira. Bi saioren faltan, gogoangarriak egin zaizkit, besteren artean, Mursegok, Vulkek eta Joseba Irazokik egindako piezen molde zein intentsitatea, Afrika Bibangek, Juantxo Arakamak, Lorea Argaratek eta Unai Muguruzak sorturiko atmosfera eta flowa, eta Belako, Sara Zozaya eta Amoranteren artean egindako azken honen Ama hil zaigu-ren bertsioa.

Egingarrien artean, faltan sumatu dut bidegurutzera musikari beterano gehixeago eta pop-rock ildo nagusitik kanpokoak ere ekartzea, kontraste politak sor zitezkeelakoan. Edonola den, saio mugarria begitatzen zait, eta oraindik, aukera emanez gero, bidegurutze gehiago sor ditzakeena.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Joaldun bat Ortzaizeko kabalkadan, irailaren 18an. ©PATXI BELTZAIZ

Kultur politikaren eraikuntzan

Joanes Etxebarria

Heldu den otsailaren 4an Euskal Elkargoan kultur politikaren proiektua bozkatuko dute. Proiektuak, eragileen rolak definituz, Euskal Kultur Erakundearena argituko du. Garapen Kontseilua, berriz, ondoko urteetako proiekzioa lantzen hasiko da oraidanik.
Clara Montero Tabakalerako Kultura zuzendaria, eta Ana Teixeira eta Oier Etxeberria erakusketaren komisarioak, atzo, hainbat artistarekin. ©MAIALEN ANDRES / FOKU

Begi bistakoa den armategia

Naroa Torralba Rodriguez

Gaurtik ekainaren 4ra bitarte, Evil Eye erakusketa dago Tabakaleran. Izaro Ieregi eta Azucena Vieites artisten lanak ditu, besteak beste. Jarduera programa bat ere izango du
Claudie Marcel-Dubois eta Maguy Pichonnet-Andral etnomusikologoak. ©Claudie Marcel-Dubois

Bigarren Mundu Gerlaren ondoko grabaketa batzuk, entzungai sarean

Iñaki Etxeleku - Ipar Euskal Herriko Hitza

Frantziako bi ikerlarik 1947an eta 1958an egin euskal kantu, bertso eta soinu grabaketak Interneten entzungai jarri dituzte berriki. Artxibo horiek gehienak aztertzekoak dira oraino.

Bertso Eguna, iaz, Izpuran. / ©Guillaume Fauveau

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.