Albistea entzun

BI AHOTSETARA

Musika eta kultura

Gorka Erostarbe Leunda -

2020ko urriak 25

Herrikidea ez ezik, kultur elkarte, kezka eta eztabaida kidea dut Antton Iturbe musika kazetaria. EITB kultura telebista saio arras interesgarri eta bakanean musika eta zinema gomendio aski interesgarri eta bakanak egin berri ditu; eta barrenean oihartzun sakona utzi didan adierazpen konbikzionala ere bai: «Musika ez da soilik gau girokoa edo parrandarakoa, musika kultura ere bada», halako zerbait gutxi-asko. Eta piztu egin nau, eta kirrinka egin dit. Neronek ere ziur aski behin baino gehiagoatan erabilitako baieztapena delako, eta gaur egun, bere horretan esatea eta defendatzea puskaz gehiago kostatzen zaidalako. Agian da bizipenen kateatzeak ikusmoldea aldatu izana, agian da pandemia/sindemia honen tristezia orokortuak eragindako elkartzeko behar erraietakoa. Baina neure buruari galdetzen diot parrandaz eta gauaz haragoko zerbait dela esaten nuenean benetan zer esan nahi nuen. Ze akaso kentzen diogu potentzialitatea ondo pasatzeak, elkarrekin dantza egiteak, gorputzen gertutasun kolektiboak, traszendentziaz ahaztuta gertatzen ari denaz hezur-haragiz gozatzeak zerbaiti, norbaiti konektatua, heldua sentiarazteko. Eta hori asko da. Hori bizitza da. Eta hori ere kultura ez ote da? Eta bestela, gure kritikotasunean kultuan gozo geratzen den klub berezi baten —baina, azken batean, sarri bakanduta— kide izatea baino lortzen ez ote dugun... Galderak dira, barnean dantzan dabilzkidan galderak, Antton lagunak berriro piztu dizkidanak. Eta nago, erantzunaren gako-izpi batzuk bederen ematen dituztela garaian-garaian eta lekuan-lekuan parrandarekin, gauarekin, parte hartze kolektiboekin lotura izan duten musika genero-mugimenduek, hala nola disco musikak, eurodanceak, trikiti-erromeriek, auzoetako runba kartzelarioak, techno-bakailauak edota oraintsuko reggeaton-trapak... Guztiak ere molde bateko edo besteko destaina jasan dutenak, baina gorputz-arima asko piztu, poztu eta puztu dituztenak. Errezeloa baitut —ez da baieztapen batere zientifikoa—aurreasmo artistikorik gabeko espresabide musikalek ere gorpuzten eta ordezkatzen dutela kultura, edo kulturaren parte bat. Eta ez txikia.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Lloyd, 2015ean, Los Angelesen egindako ekitaldi batean. ©Kevork Djansezian / Reuters

Norman Lloyd aktore estatubatuarra hil da, 106 urterekin

Andoni Imaz

Wellesekin hasi zen teatroan, eta Chaplin, Hitchcock eta Renoiren filmetan aritu zen lanean, besteak beste. Telesail ugari zuzendu eta ekoitzi zituen.

Amaia Lasa, Getarian. ©JON URBE / FOKU

Itsasaldeko leihoan

Gorka Arrese

50 urte dira Amaia Lasa Alegriaren lehen poema liburua argitaratu zela. Gaur hasita, 'Kaioaren hegaldia' jardunaldiak egingo dituzte Getarian

Erakusketan bildu dituzten formatu handiko olioetako batzuk. ©MONIKA DEL VALLE / FOKU

Itsasadarra, Ibarrolaren sotik

Amaia Igartua Aristondo

Bilboko itsasadarreko langileak agertzen ditu 'Ibarrola itsasadarrean, ura, burdina, sua eta airea' erakusketak. Bilboko Itsasmuseumen ikusi ahal izango da, 2022ko urtarrilera bitarte

Manex Fuchs, Maite Larburu eta Ximun Fuchs, <em>Amua</em> antzezlanean. ©AINHOA RESANO

Maitasun amuak harrapatuta

Ainize Madariaga

Axut konpainia 'Amua' obra antzezten hasiko da berriz ere. Maitasuna abiapuntu gisa hartuz, eredu tradizionalaz gogoeta bultzatzea dute xede. Emanaldiez gain, material pedagogikoa ere prest dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna