Noiz sortua: 2018-11-18 00:30:00

BI AHOTSETARA

'Quercis oratio'

Gorka Erostarbe Leunda -

2018ko azaroak 18
Gizartearen izena, boteredunen mauka/ herriaren izenean, beste batzuek zaunka/ gizakien hitz bakoitzak esanahirik badauka, nork jarri du herria gizartearen aurka?».

Bertsozalea izanagatik ere, ez dira asko memorian zehatz gorderik ditudan bertsoak. Lazkao Txikik ispiluaren aurrean kantatutakoak, Maialen Lujanbiok gobara gizarteratu zuenekoa... eta beste pare bat gehiago. Jon Sarasua eta Aitor Sarasua anaiena da bertsoa, 1995eko Fauna txiki bat bertso berritan (Elkar) disko eder eta jada ahantzi samarrean bildua. Quercis Oratio du izenburutzat sortak (Haritzaren otoitza), eta, gaur egungo hainbat kontu ikusita, batere gaurkotasunik galdu ez duena da. Are, gaurko hainbat gai eta gaitzen muin-muinari zizta egiten diona da.

Lau bertsoko sorta. Lehen biak Aitorrek kantatzen ditu, bakarrean eta a cappella. Eta igartzen da jada zein musikalite goxoa duen haren kantaerak, zein dardarizo leuna. Mezuari gehigarri adierazkor bat eransten diona. Eta are indar poetiko eta emotibo handiagoa hartzen du kantuak Jon anaiarekin batera azken bi bertsoak duoan abesten dituenean, eta azken bi ahapaldietan honako hau diotenean: «...sustraiak eta adarrak ez dabiltza aparte/ gizartea herri nahi dut ta herria gizarte».

Ume koxkor ginela Aitor Sarasua ezagutzeko parada izan genuen Zumarraga-Urretxuko bertso-eskolako lagun zenbaitek. Gertutik gerturako tratuz hartu gintuen; grazia eta zirika ederrez xaxatu gintuen bertsotan. Bereganatu gintuen. Gerora, bertsozaletasuna apaldu samarturik nuela iritsi zen Fauna txiki bat diskoaren agerpena. Eta fauna hartako hitz bizi zorrotzek nahiz disko osoaren musikaltasunak berriro txertatu zidaten bertsoarekiko mira. Bertsoa zen hura, kantua zen hura, musika zen hura.

Aitorren heriotzaren berri izan bezain pronto, umetan bertso taldean ibilitako lagunak idatzi zuen WhatsApp-en: «Ez zuen bertsolari bikainaren ospea, baina niri asko gustatzen zitzaidan. Bazuen zerbait oso berezia...».

Bihoakio samurtasunez oratio xume hau, eta ahots goraz taldean kantaturiko azken puntu hura: «gizartea herri nahi dut ta herria gizarte!»

Albiste gehiago

Apirilaren 2an eguneratua, 13:00etan. ©BERRIA

Koronabirusaren azken datuak

Berria

Euskal Herrian 10.022 gaixok eman dute positibo koronabirusaren proba eginda. 555 hil dira. COVID-19 gaitza izandako 2.459 pertsonari eman diete alta. Grafikoak, albiste barruan.

Gizon bat, Zagreben. ©ANTONIO BAT / EFE

Sakelakoen kokapena jasoko du Madrilek

Berria

Telefonica, Orange eta Vodafone konpainiek euren sareak erabiltzen dituzten sakelakoak non dauden kontrolatuko dute, eta informazioa Madrilgo Gobernuari emango diote. Koronabirusaren aurkako borrokan, populazioaren inguruko mugimenduei buruzko datuak biltzea da asmoa, Madrilen arabera, eta, gaineratu duenez, ikerketak ez ditu “gizabanakoen mugimenduak atzemango”, baizik datu “anonimoak eta multzoka”.

Murga, Urkullu eta Beltran de Heredia, diputazio iraunkorrean telematikoki azalpenak ematen. ©/ Irekia

Oposizioak «gardentasun falta» egotzi dio Urkulluri

Irati Urdalleta Lete

Iñigo Urkullu Jaurlaritzako lehendakariak azalpenak eman ditu Eusko Legebiltzarreko diputazio iraunkorreko bilkuran, EH Bilduk hala eskatuta. Argudiatu du «osasun arduradunen ezagutzan eta unean-unean jasotako informazioan oinarrituta» jokatu dutela.

Donostiako ospitaleko langile batzuk, mobilizazio batean ©Jon Urbe (Foku)

Osasuna bermatzen ez duten enpresak, fiskaltzara

Jokin Sagarzazu

LABek langileen kexak igorriko dizkio, zigor instrukzioko prozesuak ireki ditzala eskatzeko. Ohartarazi du oinarrizko zerbitzu batzuk «kolapsoan» daudela. ELAk, berriz, materiala bermatzeko eskatu dio EAEko Auzitegi Nagusiari.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna