Albistea entzun

BI AHOTSETARA

Britpopa bueltan da

Jon Pagola -

2022ko abenduak 4

Oasis taldeak Be Here Now diskoa kaleratu zuenetik 25 urte pasatu dira. Britpop mugimenduaren ikur nagusiak hanka sartu zuen lehen aldiz. Liam eta Noel Gallagherrek gidatutako taldeak 1993an ekin zion bere bide arrakastatsuari. Alan McGee, Creation Recordseko burua, txundituta geratu omen zen Oasis taldeak King Tut's Wah Wah Hut klubean maiatzeko gau hartan emandako zuzenekoarekin. Mod itxura zuten gazte harroputz haiek berehala sinatu zuten kontratua Creationekin.

1996rako, Ingalaterra goitik behera aldatu zen tsunami autoerreferentzial bati esker. Oasisek kontzertu historikoa eman zuen Knebworthen, 125.000 zaleen aurrean. «This is history», baieztatu zuen Noelek. Oso gutxi iraun zuen british festa hark, Adidas, Fred Perry eta casual estiloa lehen lerroan jarri zituenak. Be Here Now izan zen lehen abisua. Kokainak diskoa baldintzatu zuela esan ohi da, eta nabaria da hasierako bi diskoetako freskotasuna galdu zutela.

Oasisek 2009 arte iraun zuen, Noelek «aski da» esan zuen arte. Egun tristea izan zen. Izan ere, Manchesterreko taldearen abestiak hor geratuko dira betirako. Arraroa da, bitxia ere bai: Oasis kenduta —etengabeak dira bi anaien arteko liskarrak—, 2022an bueltan dira britpoparen protagonista nagusiak. Hala nola, Blur taldeak bi kontzertu emango ditu jarraian Wembley estadioan; Pulp dotoreek ere egingo dute itzulera, eta zuzenekoak iragarri dituzte dagoeneko; Suede taldeak oso gomendagarria den lan bat argitaratu du aurten, Autofiction izenekoa, eta kritikarien belarriak gogobete dituzte. Manic Street Preachersekin elkartu dira diskoa zuzenean aurkezteko.

Hori gutxi balitz, The Charlatans eta Ride elkarrekin ari dira zuzenekoak egiten. Liam Gallagherrek bakarkako hirugarren diskoa kaleratu du eta, 26 urteren ondoren, Knebworth leporaino bete zen bi egunez. Eta non dago Alan McGee? Askotan ikusten dut Granadan, lasai bizi da, britpopari kasurik egin gabe.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JAIZKI FONTANEDA / FOKU

«Sorkuntza jada ez da nire munduaren zilborra»

Aitor Biain

Ez du diskorik egin plazan egoteko; plazan dago jada. Baina '#itsasoadabidebakarra' bere bakarkako lehen diskoa kaleratu du, pertsonala bezain kolektiboa den lana. Azken urteetako bizipenetatik abiatuta ondu du, eremu abisaletik ur azalera ateratzeko bidea oinarri hartuta, eta Kubatik joan-etorria egin duten kantuekin.
Gaur egungo musikariez inguratu da John Cale <em>Mercy</em> disko berria ontzeko. ©MADELINE MCMANUS

Erortzen ari den munduaz

Mikel Lizarralde

81 urte betetzear dela, John Calek segitzen du pauso bat aurretik, 'Mercy' bere azken diskoak erakusten duenez. Klasizismoaren eta abangoardiaren artean beti.

 ©ANE GARCIA

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.