Sartutako zabor guztitik, %2 soilik berreskuratu zuten
Zaldibarko zabortegiak 560.000 tona pasa hondakin hartu zituen 2018an, memoriak jasotzen duenez. Datu ofizialen arabera, tratatu gabe bota zituzten hondakinen %38. Beste hainbeste gorde zuten zabortegian bertan erabiltzeko, ezpondetan eta. Eta gainerako %24amoduren batean tratatu zuten. Baina oso gutxi berreskuratu zuten: hartutako hondakin guztien %2 soilik. Jaurlaritzak iaz egindako azterketa teknikoak ohartarazi zuen: «[Zabortegiak ] Ez ditu betetzen balorizatu daitezkeen hondakinak bereizteko baldintzak: papera, kartoia, egurra, plastikoa, ontziak».
Iruzkinak
Ez dago iruzkinik
Ordenatu