Albistea entzun

Fernandez Iradi kartzelan geldi daiteke, mediku azterketen ustez

Espetxea eta eritasuna bateragarriak direla dio mediku txostenak.

Ortzegunean eginen dute auzia, Parisen.

Bagoaz-ek protestara deitu du
Fernandez Iradi aske utz dezatela eskatuz, giza katea egin zuten iazko maiatzean, Baionan.
Fernandez Iradi aske utz dezatela eskatuz, giza katea egin zuten iazko maiatzean, Baionan. BOB EDME

Maddi Ane Txoperena Iribarren -

2015eko martxoak 21 - Baiona

Ibon Fernandez Iradi presoaren osasun egoera hirugarren aldiz aztertu dute medikuek, eta, aitzineko bi aldietan ez bezala, eritasuna eta espetxealdia bateragarriak direla ondorioztatu dute. Azterketa, ordea, baldintza txarretan egin dutela salatu du preso eta iheslarien eskubideen aldeko Bagoaz kolektiboak. «Aitzinetik iritzi batekin etorriak ziren: 30 minutu baino gutxiago pasatu dituzte harekin, eta hitza mozten zioten mintzatzen saiatzen zen aldiro», azaldu du Maritxu Paulus Basurko abokatuak. Ortzegunean eginen dute Fernandez Iradiren kondena etetearen inguruko auzia Parisen, eta mediku txosten horretan oinarrituz gero deliberoa aurkakoa izanen dela uste du abokatuak. Egoera salatzeko elkarretaratzea antolatu du Bagoaz-ek epaiketaren egunerako: Baionako Herriko Etxearen aitzinean eginen dute, 18:30ean.

Esklerosi anizkoitza du Fernandez Iradik, eta kondena etetea eskatua du, gaixotasunak espetxean okerrera egin dezakeela eta. Epaileak haren askatzearen alde egin zuen 2014ko ekainean, baina bi baldintza ezarrita: Frantzian bizitzeko duen debekua baliogabetzea eta Pirinio Atlantikoetatik kanpo bizitzea. Baldintza horiek kondenaren etetea trabatzen zutenez, helegitea ezarri zion abokatuak epaiari. Irailean iragan zen lehenbiziko dei auzia, eta, baldintza horiek kentzea onartu arren, Fernandez Iradiren osasun egoera berriro aztertzeko eskatu zuen epaileak.

Medikuen hirugarren txostena, baina, ez da «onargarria», Paulus Basurkoren ustez. Are, 40 orriko dokumentua «kontraesanez beteta» dagoela gaitzetsi du. Hain zuzen, botikez gain Fernandez Iradik bertze tratamendurik jasotzen ez duela azaltzen dute bertan medikuek —erraterako, kinesiterapeuten edota psikologoen segimenduak—. Horiek beharrezkoak ditu eritasunak okerrera egin ez dezan, baina ez dute kontuan hartu: «Nahiz eta onartu ez duela segimendurik, ez dute erraten kartzelatik atera behar duenik». Bada deigarriagorik ere: presoak eguna Interneti begira pasatzen duela diote txostenean, hori debekatuta dagoen arren.

Eritasunak okerrera eginen balu, gainera, Fernandez Iradi espetxez aldatzea bertzerik ez dute proposatzen medikuek. Azterketa hori «erabaki politikoa» da, Bagoaz-en ustez, eta Frantziari «konponbidearen» bidean jartzeko eskatu dio kolektiboak.

Otegi askatzeko, Bruselara

Asteartean, Arnaldo Otegi askatzea eta sakabanaketarekin bukatzea galdeginen du bake prozesuaren aldeko Friendship europarlamentarien taldeak Bruselan. Bertan izanen da ere Brian Currin Harremanetarako Nazioarteko Taldeko kidea.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Atzerrian bizi diren frantziarren bosgarren hautesbarrutian aurkeztuko da Manuel Valls Frantziako lehen ministroa ©CHRISTOPHE PETIT TESSON / EFE

Hautagaitza eusko-katalana aurkeztuko da Vallsen parean legebiltzarrerako bozetan

Ekhi Erremundegi Beloki

EH Baiko Garbiñe Eraso eta Unitat Catalanako Enric Balaguer izanen dira hautagaiak. RPS federazioaren izenean aurkeztuko dira, atzerriko frantziarren bosgarren hautesbarrutian.

 ©ARITZ LOIOLA / FOKU

«Galdera ez da estatua bai ala ez, baizik eta EBn nola kokatzen garen»

Jon O. Urain

Europaren Etorkizunari Buruzko Konferentzia amaitu da, eta, Filibiren ustez, EB «handitan zer izan nahi duen» erabakitzen ari da. Ez da jaso argitasun legerik, baina egokiagotzat jo du beste egokitze batzuk bilatzea.
ETAk 2011ko urriaren 20an iragarri zuen armak utziko zituela; orduko irudi bat, artxibokoa. ©BERRIA

AEBek «atzerriko talde terroristen» zerrendatik ezabatuko dute ETA

Uxue Rey Gorraiz Maddi Ane Txoperena Iribarren

Ehunka euskal herritarrek AEBetara bidaiatzeko debekua izan dute 1997tik. AEBetako Estatu Departamentuak adierazi du ez duela aldaketarik ekarriko iraganeko auziekin loturiko politiketan

Aitor Esteban, artxiboko irudi batean. ©JUAN CARLOS HIDALGO / EFE

Ikus-entzunezkoen Legeari zuzenketa sorta bat gehituko dio EAJk

Iosu Alberdi

Jeltzaleek eta Espainiako Gobernuak 45 zuzenketa txertatuko dituzte proiektuan. EITB eta euskara jarri dituzte akordioaren erdigunean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...