Dena prest BIEMH azoka egiteko BECen

2020an bertan behera gelditu ondoren, makina-erremintaren Biemh azoka egingo dute ekainaren 13tik 17ra, Barakaldoko BECen. 26 herrialdetako 1.200 enpresak baino gehiagok jarriko dituzte ikusgai beren azken produktuak, bezeroek ikus ditzaten eta harreman komertzial berriak has daitezen. 3D inprimaketan aritzen direnak Addit3D atalean elkartuko dira BECen. Digitalizazioan espezializatutakoak, berriz, BeDigital atalean egongo dira. Edonola ere, parte hartzaile gehienak Biemh orokorrean egongo dira, espaziorik handienean.