LARREPETIT

Poliziaren hizkuntza

Iñigo Aranbarri -

2018ko irailak 2

Arkaitz Zarraga irakaslea izan da oraingo honetan gertatua salatu duena. Bilboko jai gunean, trafiko kontu bat dela-eta udaltzain batek geldiarazi duenean, nola konplikatu zaion dena euskaraz egiteko eskatzeagatik. Alferrik ahalegindu bata eta bestea konpontzen. Bi isunekin etxeratu da: «Bata zirkulazioari lotutakoa; bestea, agenteekiko errespetu faltagatik».

Bat haboro, auskalo zenbatgarrena, 1982an Euskararen Legea onartu zenetik EAEn eta 1986an NFKn. Nik neuk, ez daukat azalpen gehiagoren beharrik jakiteko zer gertatu den. Nahikoa da ikustea nola bideratzen den hizkuntzarena errepidean goazela geldiarazten gaituztenean. Berdin da zer polizia den, harremana ikaragarri katramilatzen da euskaraz artatua izateko eskatuz gero. Erdaraz eginda bi minutuko tramite hutsa dena, ordu erdiko kontua izan liteke onenean, Zarragari gertatu bezala, opariarekin ez bazoaz etxera. Guardia Zibila izatea, edo Gendarmeria, edo Espainiako Polizia Nazionala, ahaztu. Denok nahi dugu etxera heldu afaltzera.

Desakatoa izango da isunean agertuko den arrazoia, men ez egitea aginteari. Zinez argudio eskasa ez izatera behintzat benetan pentsaera motzekoa, uste izatea norberarena ez den hizkuntza, ofiziala izanagatik, deabruak irakatsia dela, eta horretxegatik dela ikastezina eta inoren kontra gaizki-esaka jarduteko asmatua.

Nolanahi ere, psikologia sozialerako erradiografia polita herritarren kontrako umiliazio hauen atzean gordetzen dena: nola sentitzen den boteretsua ahulago menpean duenaren hizkuntza ezagutzen ez duenean, nola den zigorra ezina konpontzeko bide historikoa, eta nola, Euskaldunon Egunkaria itxi zutelarik euskararen eta euskaldunen kontrako eraso gehiago ez gertatzeko konpromisoa hartu zuten erakundeek ez dioten konponbiderik ematen larderiazko agerraldi etengabe hauei.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Pertsona bat terraza batean eserita, Bilbon. ©Aritz Loiola / FOKU

Positibo kopuruak gora egin du Araban, Bizkaian eta Gipuzkoan

Amaia Ramirez de Okariz Kortabarria

Jaurlaritzak eskainitako datuen arabera, 598 positibo atzeman dituzte azken orduetan; egindako proba guztien %6,02k eman dute positibo. Hiru lurraldeetan egin dute gora kopuruek, eta Bizkaiko zahar etxeetan hiru egoiliar hil dira.

Osakidetzako protesta, atzo, Donostiako Amara Berriko osasun zentroaren aitzinean. ©GORKA RUBIO / FOKU

Osakidetzako «sakoneko arazoei» heltzeko eskatu dute sindikatuek

Maddi Ane Txoperena Iribarren

Protestak egin dituzte lehen arretako zentroetan. Langile gehiago eskatu dituzte, eta murrizketetan «galdutakoa berreskuratzea». Osasun Sailak dio «benetako konpromisoa» duela «sendotzeko»

Ikasgela huts bat Hernanin, artxiboko irudi batean. ©JON URBE / FOKU

Gero eta ikasle gehiago daude bakartuta ikastetxeetako kasuengatik

Uxue Rey Gorraiz

Jaurlaritzak esan du 80 ikasgela gehiago itxi dituela; ia 300 daude itxita Hegoaldean. Nafarroak laguntza emozionala emanen die ikasleei

Musukoek begiak estaltzen dituzten garai hauek

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna