Albistea entzun

«Hegan egiteko eskubidea»

Transexuala izateagatik eskolan izandako jazarpenak bultzatuta, bere buruaz beste egin du Bartzelonan 17 urteko mutil batek. Chrysallis elkarteak protesta egin du Donostian, eta «umeen identitateak babesteko» eskatu du.
Transfobia bukatzeko eskatu zuten herenegun, Donostian.
Transfobia bukatzeko eskatu zuten herenegun, Donostian. J.C.RUIZ / ARP

Eskeine Legorburu -

2015eko abenduak 29

Mikel Laboaren Txoriak txori abestiak aireratu zituen bertaratutakoen ahotik irten ezinda zeuden hitzak. Eta kandela gorriekin egindako bihotzak adierazi zuen Alanenganako maitasuna. Transexuala izateagatik eskolako kideek egindako jazarpenak itota, bere buruaz beste egin zuen aurreko astean 17 urteko gazteak Bartzelonan. Heriotza horrek eragindako «mina» adierazteko, Euskal Herriko adingabe transexualen familiak hartzen dituen elkarteak, Chrysallisek, elkarretaratzea egin zuen herenegun, Donostian. Ordu erdiz, «haur eta gazte transexualek hegan egiteko eskubidea» dutela nabarmendu zuten 200 lagun inguruk.

Chrysallis elkarteko Aingeru Mayorren iritziz, «norberaren izaera ez dago hanka artean, buruan baizik», eta hori onartzeko eskatu zieten herenegun botere publikoei, hezkuntza eta administrazio publikoei, erregistro zibileko arduradunei, alderdi politikoei eta gizarte osoari: «Adingabe transexualei babesa ematea, haien sexu identitatea aintzat hartua eta errespetatua izan dadin». Nafarroako Parlamentuak eta CCOO sindikatuak ere gaztearen heriotza salatu dute.

Gizarteko esparru guztietan transfobia «ezabatzeko» ahalegina egin dezatela ere eskatu du Chrysallisek. «Transexualek eta familiek egunero bizi dituzte gizarte mailako zein erakunde mailako mikrobiolentziazko ekintzak», eta horiek sortzen dituzten eragozpenek pertsonengan «zama jasangaitza» sortzen dutela berretsi du taldeak.

«Triste» daude Chrysallis elkartekoak, «min horri erantzuteko hitzik gabe», administrazioarekin «suminduta, etsita eta lotsatuta». Erakundeak «ume eta gazte transexualen beharren atzetik» doazela esan dute, eta eskola sistemaren konpromisoa eskatu dute, «umeen identitatea babesteko». Haur batek «sentitzen den bezalakoa izateko eskubidea» duela gogorarazi du Mayorrek, eta, hori hala izan dadin, «gizarte guztiak» egin behar duela «ahalegina».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Lezetxikiren Lagunak taldekoek ateratako argazki batzuk, Lezetxikoko galeria suntsituan. ©LEZETXIKIREN LAGUNAK

AHTaren tunel batek Lezetxikin kalteak egin dituela salatu dute

Xabier Martin

Aztarnategi baliotsuaren gertuko galeria bat suntsitu du tunelak, espeleologo batzuek dokumentatu dutenez. Euskal Herriko giza aztarnarik zaharrenak topatu dituzten lekua da Arrasateko koba
Osasun langile bat, atzo, Nafarroako Ospitale Unibertsitarioaren kanpoaldean. ©IÑIGO URIZ / FOKU

Osasunbideko gehiengo sindikalak grebara joko du, Sindikatu Medikotik bereiz

Ion Orzaiz

LAB, SAE, UGT, ELA, Afapna eta CCOOk hilaren 15erako egin dute deialdia. «Osasun publikoaren kalitatea eta lan baldintzak» hobetzea daukate xedetzat. Negoziazioa gobernuaren eta Sindikatu Medikoaren artean egin izana salatu dute
Bidaiari batzuk, Donostiako autobus geltokian. ©GOTZON ARANBURU / FOKU

Ibilbide luzeko autobusak doakoak dira jada ohiko bidaiarientzat Hegoaldean

Jone Arruabarrena

Berme bat ordaindu beharko da, eta gutxieneko bidaia kopuru bat egin
Euskal Herriko mugimendu feministaren agerraldia, atzo, Gasteizen. ©ENDIKA PORTILLO / FOKU

Zaintza sistema «eraldatzeko» mobilizatuko da mugimendu feminista

Edurne Begiristain

Lehen mugarria Martxoaren 8an ezarriko du Euskal Herriko mugimendu feministak. Zaintza «erantzukizun soziala» bilakatzea izango du helburu borroka dinamikak

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.