Euzko Gaztedi eta bortxaren erabilera

Berria -

2018ko abuztuak 1
ETA ez zen izan 60ko hamarraldiaren amaieran bortxaren erabilpenean urratsak egin zituen erakunde abertzale bakarra. EGIn ere —Euzko Gaztedi, EAJren gazte erakundea— gogoeta egin zuten horren inguruan, eta ordura arteko ekintzak —pintaketak eta ikurrinak jartzea— gogortzea erabaki zuten. «Garai hartan, Euzko Gaztedikook bortxa erabiltzea ETAkoei gu ere borrokan ari ginela esateko modua zen; bortxa bai, baina inor bahitu edo hil gabe», esan zion EGIko kide izandako Juan Mari Feliuk Argia aldizkariari 2017an.

1968an, hainbat eraso egin zuen EGIk lehergailuz; entzutetsuena, maiatzaren 9an Espainiako Itzulian egindakoa. Baina 1969ko apirilean EGIko bi kide, Alberto Asurmendi eta Jokin Artajo, hilik suertatu ziren Ultzaman (Nafarroa), lehergailu batek eztanda egin zienean. Hor amaitu zen EGIren jarduera armatua.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna