CDCren '%3 auziaren' harira, miaketak egin dituzte, baita Sener euskal enpresan ere

Epaileak kasu berri bat ireki du Kataluniako alderdiaren ustezko finantzaketa irregularraren ikerketan. Senerrek tren baten eraikuntzan parte hartu zuen
Guardia zibilak, Senerren Getxoko egoitzan, dokumentazioa eskuetan dutela.
Guardia zibilak, Senerren Getxoko egoitzan, dokumentazioa eskuetan dutela. MIGUEL TOÑA / EFE Tamaina handiagoan ikusi

Ander Perez Zala -

2018ko azaroak 21

CDC Kataluniako Konbergentzia Demokratikoa alderdiaren ustezko legez kanpoko finantzaketaren ikerketan —%3 auzia— kasu berri bat ireki du Auzitegi Nazionaleko epaile Jose de la Matak, eta, horren harira, Guardia Zibilak miaketak egin zituen atzo Kataluniako zortzi enpresatan —Bartzelonan eta Lleidan—, Kataluniako Gobernuaren bi erakundetan eta Ayesaren Sevillako egoitzan (Andaluzia). Besteak beste, epaileak argitu nahi du enpresa horiek adostu ote zuten Generalitatearekin obra publikoen kontratuak euren artean partekatzea, trukean enpresek adjudikazioaren %3 CDC inguruko fundazioei emateko. Horretarako, guardia zibilak enpresen dokumentazioaren bila izan ziren; egun berean, eta ikerketa beraren harira, Sener euskal ingeniaritza enpresaren Getxoko egoitzan (Bizkaia) ere izan ziren.

Aurrez egindako miaketen eta horietan eskuraturiko dokumentuen edukian oinarritu da epailea atzokoak agintzeko; batez ere, 2015ean Infraestructures.cat-en egindako miaketetan lorturiko informazioan; enpresa publiko hori Generalitatearen obrak lizitatzeaz arduratzen da.

%3 auzian hainbat delitu ikertzen ari da Auzitegi Nazionaleko epailea: antolaketa kriminala, eroskeria, influentzia trafikoa, prebarikazioa, alderdi politiko baten legez kanpoko finantzaketa, dirua bidegabe erabiltzea eta zuritzea. Senerren kasuan, Kataluniako abiadura handiko trenaren eraikuntzan izandako inplikazioa ikertzea da atzoko miaketen arrazoia, eta, horretarako, zuzendaritzako kide baten ordenagailua ikertu dute guardia zibilek. Atzoko miaketan ez zuten inor atxilotu, baina hamabost pertsona deklaratzera deitu zituzten.

Sener, «elkarlanean»

Ohar baten bidez, ingeniaritza enpresak jakinarazi du Guardia Zibilarekin «elkarlanean ari dela», eta haren esku utzi duela «beharrezko dokumentazioa, gertaturikoa argitzeko». Gaineratu du «izaera sekretua» duen ikerketa bat dela, eta haren egoitzaren miaketaren berri izan zuela gertatu eta berehala.

Epaileak, gehienbat, 2008 eta 2010 arteko adjudikazioetan jarri du arreta. Garai hartan, Artur Mas zen Generalitateko presidentea.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

COVID-19aren jarraipen batzordea, Iñigo Urkullu lehendakaria buru dela, atzo Gasteizen. ©JON RODRIGUEZ BILBAO / EFE

Pandemia osoan izan den kopururik handiena zenbatu dute Bizkaian: 402

Olatz Esteban Ezkati

Hego Euskal Herrian 651 positibo izan dira. Hamasei egoiliar eta 36 langile kutsaturik daude Bizkaiko zahar etxeetan. Eusko Jaurlaritzak ez du baztertzen osasun larrialdia berrezartzea

Nekane Murga Osasun sailburua, atzoko agerraldian. ©Miguel Toña / EFE

Etxeratze agindua, zalantzazko muga

Irati Urdalleta Lete

Eusko Jaurlaritzak etxeratze agindua izan du hizpide; hau da, herritarrei eskubidea kentzea ordu jakin batetik aurrera kalean ibiltzeko. Adituek ez dute argi horretarako eskumenik ba ote duen.

Emakume bat, elikagaiak kalean saltzen, Quiton, Ekuadorko hiriburuan. ©JOSE JACOME / EFE

Birusari, errenta unibertsala

Cecilia Valdez

Koronabirusaren pandemiak pobrezia hedatu eta desberdinkeria areagotu duela ikusita, Latinoamerikako zenbait herrialdetan oinarrizko errenta unibertsala eta haren gisako neurriak ari dira aztertzen. Errentarentzako dirua nondik bildu, horixe da erronkarik handienetako bat.

Donibane Lohizuneko plaza, konfinamendu denboran ©Bob Edme

Donibane Lohizuneko ostatu bat hetsi dute

Ekaitz Etxamendi

Pirinio Atlantikoetako departamenduko prefeturak erabaki du Donibane Lohizuneko (Lapurdi) Le Miam ostatuaren hestea bost egunez, zigor gisa. Neurria beterik, gaur ireki dute berriro.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna