Albistea entzun

Ofizialtasuna, mozioz

Ofizialtasunari ezetz esateko hainbatek selekzioaren gaia Eurokoparekin nahastu dutela uste du ESAITek
Martxel Toledo, Mikel Urkola, Pepe Turrillas eta Egoitz Askasibar, atzo, prentsaurrekoan.
Martxel Toledo, Mikel Urkola, Pepe Turrillas eta Egoitz Askasibar, atzo, prentsaurrekoan. LUIS JAUREGIALTZO / ARP

Iñaki Larrañaga -

2014ko martxoak 21 - Bilbo

EAJ, EH Bildu eta PSE-EErekin bildu ostean, ESAIT Euskal Selekzioen Aldeko Iritzi Taldeak alderdi politikoei helaraziko die bere aldarria. Ofizialtasunaren aldeko mozioak aurkeztuko ditu udaletan, foru aldundietan, Eusko Legebiltzarrean eta Nafarroako Parlamentuan. Eta horiek eztabaidatu ostean, Espainiako Futbol Federaziora helaraziko dituzte emaitzak. Hau erakutsi nahi du ESAITek ekintza horren bitartez: «Euskal Herriko erakundeak ere, euskal herritarren gehiengo handi baten modura, euskal selekzioen ofizialtasunaren alde daudela eta euskal selekzioak Eurokopan eta beste txapelketa ofizial batzuetan lehiatzen ikusi nahi dituztela».

2020an jokatuko den Eurokoparen harira, eztabaidagunearen erdian kokatu da euskal selekzioak txapelketa horretan izan beharko lukeen lekua. ESAITeko ordezkariek nabarmendu dute «hainbatek» selekzioaren gaian «Eurokoparekin batera azaltzea» baliatu dutela selekzioaren ofizialtasunari «ezetz» esateko. Jarrera horiek direla eta, uste dute «aitzakien garaia» bukatutzat eman behar dela «behingoz». «Alderdi politikoek erabaki beharko dute euskal selekzioaren ofizialtasuna dagokien erakundeei eskatzearen alde dauden edo ez. Ez dago aitzakiarik», gaineratu zuten atzo Mikel Urkolak eta Pepe Turrillasek.

Espainiaren betoa, «arazoa»

«Egitasmoari babesa emateko eta euren esku dagoen guztia egiteko» eskatu die ESAITek EAJri, EH Bilduri eta PSE-EEri. Izan ere, Eurokopa San Mamesen, Madrilen edo Europako beste edozein hiriburutan jokatuta ere arazoa «berbera» izango dela uste du iritzi taldeak. «Espainiako Futbol Federazioak batez ere, euskal selekzioari betoa ezartzen dio, eta hori da benetako arazoa».

Erakundeetan aurkeztuko dituzten mozioek aldarrikapen bakarra izango dute idatzian: «Euskal selekzioak ofizialki nazioarteko txapelketetan lehiatu ahal izatea, gainerako selekzioen baldintza berberetan».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BENFICA

«Asko ikasi dut hilabete hauetan, halako heldutasun bat nabari dut»

Iñaki Berastegi

Benfica taldean eta Lisboa hirian «gustura» dago Ander Izquierdo: «Beste esperientzia bat bizi nahi nuen». Sasoia min hartuta hasi ostean, «pixkanaka» tokia egin du taldean.
Fem van Empel eta Mathieu van der Poel, garaipena ospatzen, Munduko Txapelketan. ©UCI-BAS CZERWINSKI / EFE

Etxean bezala, inon ez

Eñaut Agirrebengoa

Fem van Empelek eta Mathieu van der Poelek ziklo-kroseko Munduko Txapelketa irabazi dute, etxeko zaleen gozamenerako; aurrenekoz gailendu da Van Empel, eta bosgarrenez Van der Poel.
Eskalatzaile bat, aldapan gora, pioletak eta kranpoiak lagun dituela. ©XABIER MUJIKA

Iraule: Nardasakon kanala

Xabier Mujika

Aizkorriko kanalen artean, Nardasakon da errazenetako bat. Aproposa da pioletekin eta kranpoiekin hasiberriak direnentzat.
Haur bat eskalatzen, atzean laguntza daukala, Donostiako The Factory Boulderren. ©MAIALEN ANDRES / FOKU

Modaren sokatik zintzilik

Beñat Mujika Telleria

Azken urteetan gorakada nabarmena izan du rokodromoko eskaladak. Garai batean mendira eskalatzera joaten zirenak noiznahi presta zitezen sortu ziren, baina, gaur egun, geroz eta bereiziago daude bata bestetik. Kirol osoa da, mugimendu asko lantzeko aukera ematen baitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...