Albistea entzun
Emakumeen aurkako indarkeriari ez
Emakumeen aurkako indarkeriari ez

Espainiako erregearen abdikazioa. Euskal Herriko erreakzioak

Txaloetatik eredu aldaketara

Erregearen erabakiak haren lanari eta monarkiaren zentzuari buruzko hausnarketak eragin ditu

Aitziber Laskibar Lizarribar -

2014ko ekainak 3

Erreakzio asko eragin ditu erabakiak. Erregearen irudia eta lana sutsuki txalotu dute batzuek; errespetua azaldu diote beste batzuek; zenbaitek estatu ereduari buruzko erreferenduma eskatu dute, eta beste batzuek, errepublika. Interpretazio horietako zenbaiten bilduma da hau:

IÑIGO URKULLU Eusko Jaurlaritzako lehendakaria

«Eskubide historikoak eguneratzeko aukera zabaltzen du honek»

Erregearen erabakiari «erabateko errespetua» azaldu ondoren, egoera baliatzeko proposatu du lehendakariak. Iruditzen zaio atzoko abdikazioarekin amaitu dela Espainiako Konstituzioa onartzearekin abiatu zen zikloa; «garai berri» bat irekiko duela horrek eta hori «euskal auzia konpontzen saiatzeko» baliatu behar dela. «Gure eskubide historikoak eguneratzeko aukera zabaltzen du honek».

NAFARROAKO GOBERNUA

«Felipe VI.a egonkortasun instituzionalerako bermea izango da »

Felipe Borboikoari «desiorik onenak» igorri dizkio Nafarroako Gobernuak. Espainiako erregearen lana sutsuki txalotu du gobernuak ohar bidez, eta oinordekoak ere bere lana egiten ondo asmatuko duen segurtasuna azaldu du: «Egonkortasun instituzionalerako bermea izango da».

ANDONI ORTUZAR EAJren EBBko presidentea

«Errege berriari eskatu nahi diogu estatu eredu berria abian jartzeko»

Oinordekotza ez du zalantzan jarri, eta «errege berriari» eskaera egin dio: «Dagokion arbitro eta moderatzaile lanari ekin diezaiola eta abian jar dezala Espainiako Estatua osatzen duten nazioen helburuei erantzuna emango dien estatu eredu berria». Foruak jarri ditu oinarrian. Agindu du hori betetzekotan EAJ «egoerak eskatzen dion moduan» arituko dela: «Egonkortasun instituzionala eta normaltasun demokratikoa babesten lagunduko du».

EH BILDU

«Euskal errepublikaren bidean indarrak biltzera deitzen dugu»

Erregeak, «abdikatzearekin batera, 1977an abian ipini zuen Frankismoaren erreforma fasea amaitu beharko luke», EH Bilduren ustez. «Koroa buru batetik kendu eta beste batean jarrita» ez dela ezer lortzen ohartarazi du, eta erabakitze eskubidea aldarrikatu du. «Euskal errepublikaren aldeko hautua egina dugu, eta bide horretan indarrak biltzeko deia egiten dugu».

PSE-EE

«Herritarrek instituzioan konfiantza berreskura dezaten balioko du»

Juan Carlos Borboikoaren lana aitortu, eta ordezkoak herritarren konfiantza berreskuratzeko balioko duen esperantza du PSEk. Alderdiaren gazte taldeak, JSEk, berriz, estatu ereduari buruzko erreferenduma eskatu du.

NEREA LLANOS EAEko PPren idazkari nagusia

«Monarkiari indar berri bat emango dio»

Bai joango den erregeari, bai etorriko denari, gorazarre egin die PPk. Abdikazioa ere oso ondo iruditu zaio Llanosi: «Erronka handiak dituen garai zail batean monarkia indarberrituko du».

EZKER ANITZA

«Aldaketa garaia da; errepublika garaia»

Kalera ateratzeko deia egin du, eta etxeko leihoetan zein leku publikoetan bandera errepublikanoa erakustekoa: «Aldaketa garaia da; errepublika garaia». Abdikazioa «hondoa jotzen ari den instituzioa salbatzeko desesperazio neurria» iruditu zaio.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Albiste gehiago

EH Baiko zuzendaritza berria, Baionan ©EH Bai

Euskal Herri burujabea helburu, lurralde elkargo berezia aldarrikatuko du EH Baik

Ekhi Erremundegi Beloki

2022-2026 aldirako bide orri politikoa onartu eta ondoko urteetarako zuzendaritza berria hautatu dute ezkerreko mugimendu abertzaleko kideek. «Karrikan eta instituzioetan borrokatzeko» borondatea erakutsi dute, eta EH Bildureko duten hitzarmen estrategikoa «indartu eta berrituko» dutela erran dute.

KEM talde antimilitaristaren ekintza, Bilboko koartelean. ©BERRIA

«Kuartela auzoarena izan arte!»

Imanol Magro Eizmendi

Hiru igeltsero antimilitaristak Bilboko Juan de Garay kuartel militarra eraisteko lanekin jarraitu dute. 6.500 metro koadroko orubea Iralako auzotarren esku gelditu dadin egin dute lan. Ertzaintzak kalteak eragitea leporatu die.

Foro Sozialak antolatutako mahai inguruko partehartzaileak, herenegun, Donostian. ©ANDONI CANELLADA / FOKU

«Aitortzarako bide bat» zabaldu du Poliziaren Biktimen Balorazio Batzordeak

Julen Aperribai

Poliziaren Biktimen Balorazio Batzordeko presidente Juana Balmasedak biktima horien aitortzan batzordeak egindakoa goretsi du. Lan hori trabatzeko mekanismoak martxan direla ohartarazi du.

EH Baiko kideak, uztailean, kongresuaren aurkezpenean. ©GUILLAUME FAUVEAU

Ezkerreko abertzale guziak biltzeko gai izan nahi du EH Baik

Ekhi Erremundegi Beloki

Bihar eginen du lehen kongresua ezkerreko abertzaleen mugimenduak, eta ondoko urteetarako bide orri politikoa bozkatuko dute. «Parte hartze handia» nabarmendu dute

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...