'Dantza'-k aretoetako bidea hasiko du

Donostiako Zinemaldian Sail Ofizialean izan ondotik, gaur iritsiko da zinema aretoetara Dantza filma. Zenbait ikuslek, baina, atzo ikusteko aukera izan zuten, Bilbon eginiko aurrestreinaldian —iragan astelehenean Iruñean ere egin zuten—. Golem Alhondiga zinemek hartu zuten ekitaldia, iluntzean. Goizean, berriz, EITBren Bilboko egoitzan beste emanaldi bat izan zen —irudian—, eta bertan izan ziren Telmo Esnal zuzendaria, Koldobika Jauregi zuzendari artistikoa eta Juan Antonio Urbeltz koreografoa, besteak beste.