Eizmendi eta Telleria ez dira ariko Igeldoko Harrian

Berria -

2018ko abuztuak 11
Donostiako Aste Nagusiak gaur du lehen larunbata, eta, egun horretan ohikoa denez, Igeldoko Harria txapelketa jokatuko da Trinitate plazan (19:30). Zortzi harri-jasotzaile ariko dira: Xabier Aranburu, Julen Diaz, Gorka Etxeberria, Imanol Illarramendi, Mikel Lopetegi, Xabier Peñagarikano, Urtzi Telleria eta Josu Urbieta. Azken orduko bik huts egin dute, Beñat Telleriak eta Jokin Eizmendik ezingo dutelako parte hartu osasun arazoengatik. Eizmendirena hutsune handia da, bera baitzen faborito nagusia, iaz hamasei altxaldiko saio ikusgarria eginda.

Igeldoko Harria harri baldarrik ezagunena da. 134 kiloko pisua du, eta Igeldoko itsas ertzean aurkitu zuten. Inoizko markarik onena Juanjoxe Unanue Goenatxo-k ezarri zuen, 2002ko Euskadiko sei orduetan. Hemeretzi aldiz bildu zuen.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna