Albistea entzun

'Ahoz aho' itzuliko da bihar ETB1era, udako saio berezi batekin

Olatz Esteban Ezkati -

2021eko uztailak 18

ETB1eko arratsaldeetako gaurkotasun saioa bueltan izango da bihartik aurrera, aste batzuetako atsedenaren ostean. Ahoz aho: uda izen berriarekin, Ilaski Serranok aurkezturiko saioak bazkalosteko tartea girotuko du. Astelehenetik ostiralera bitarte, 16:00etatik aurrera, hainbat sortzaile eta dibulgatzaile igaroko dira platotik, eta zuzeneko musikaz gozatzeko aukera ere izango da.

Denboraldiko formatuari jarraituz, hainbat gai jorratuko dituzte saioan, besteak beste, zientzia, literatura eta zinema. Kolaboratzaileen artean izango dira Ana Galarraga zientzialaria, Maite Goñi teknologietan aditua, Anartz Ormaza arkitektoa, Juan Ignacio Perez Iglesias animalietan aditua eta Agurtzane Ormatza sexologoa. Zinema eta telebistako gaiak landuko dituzte Gaizka Izagirre eta Aitor Abaroarekin, eta kulturaz eta antropologiaz ariko dira Jasone Osoro eta Iraitz Agirre.

Zuzeneko musika emanaldiek ere izango dute beren tartea Ahoz aho: uda saioan, eta elkarrizketei ere eutsiko die Ilazki Serranok. Aurreratu dituzte dagoeneko gonbidatuetako batzuk: Ana Zubiaga, Ainhoa Tirapu, Kike Amonarriz eta Jagoba Arrasate, besteak beste.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©JON URBE / @FOKU

«Askotan, baimena eskatzea baino hobe da barkamena eskatzea»

Naroa Torralba Rodriguez

Munduko muralik onenetan hirugarrena Ondarroan dago, Kamiñazpin. Lian Monserrate da egilea, eta gaztetatik ari da gizarte gaiak hormetara eramaten. Memoria ariketa bat egin nahi izan du obra horrekin.
 ©ENDIKA PORTILLO / FOKU

«Garbitzailea ezinbestekoa da ospitale batek ondo funtzionatu dezan»

Unai Etxenausia

Urte luzeak eman zituen Lorenzok Gasteizko Santiago ospitaleko gela guztiak garbitzen. «Lan gogorra» izan arren, goxo oroitzen ditu korridore horietan bere lankideekin batera pasatutako orduak eta haiengandik jasotako tratua.

1 ©LABAYRU FUNDAZIOA / EZEZAGUNA

Itsasoko ezkutuko lana

Amaia Jimenez Larrea

Emakumeek itsasoan egindako lanaren balioa aldarrikatzeko, Labayru fundazioak 'Geu be bagara itsasoa' liburua argitaratu du. Zenbait belaunalditako hogei emakumeren testigantzak bildu dituzte.

<em>Te falta un Teleberri</em> saio berria. ©ETB

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.