PROPOSAMENAK

Lur azpiko sekretuak

Sarako leizeak ateak zabalik izango ditu bisitari ororentzat irailaren 30era arte. Historiaurrera bidaiatzeko aukera paregabea eskaintzen du
Sarako leize zuloaren sarrera.
Sarako leize zuloaren sarrera. GAIZKA IROZ Tamaina handiagoan ikusi

Miren Mujika Telleria -

2020ko abuztuak 2

Larhun mendiaren magalean daude Sarako (Lapurdi) leizeak, eta bertan murgiltzeko parada izango da berriro ere uda honetan. Historiaurrera bidaiatuko du bisitariak, eta garai hartako gizakien bizimodua ezagutzeko aukera izango du. Museoa, leizea eta parke megalitikoa daude ikusgai, eta uda osoan zehar, segurtasun neurriei jarraituz, besoak zabalik jasoko dute bertaratzen den ikusle oro.

Leize zulo ugari daude Sara eta inguruetan dagoen kareharrizko mendigunean. Sarako Leizeak deituak diren leizeetako bat bisita daiteke, duela bi milioi urte baino gehiago zegoen egoera berean. Haitzuloaren eraketa geologikoa, Euskal Herriko mitologia eta herri sinesmenak, eta euskaldunon jatorria ezagutu eta ulertzeko aukera paregabea eskaintzen dute bertako bisita gidatuek. Hiru ordu laurden irauten du bisita bakoitzak, eta parke megalitikoa, museoa eta leizea bera bisitatu daitezke behin bertan egonda. Doinu batek bisitaren ibilbidea girotzen duen bitartean, argiztapen berezi batek haitzuloaren edertasuna nabarmentzen du, eta ibilbide osoa ikusgarri bihurtzen. Leizeetako gunean bertan, parke megalitikoa dago ikusgai, non tamaina naturaleko trikuharriak, harrespilak eta lur muinoak dauden. Koronabirusaren eraginez, museoa ez dute ireki oraindik, baina bertan azaltzen da gizakiak historiaurretik gaur arte izan duen bilakaera. Garai desberdinetako aztarnak daude museoan: historiaurrekoak, protohistoriakoak eta garai historikoetakoak.

Ekainaren 29an ireki zituzten ateak bisitarientzat Sarako Leizeek, eta irailaren 30era arte zabalik izango dituzte egunero; 10:00etatik 18:00 arte. Bisitarien eta langileen mesederako, gunea berrantolatu behar izan dute segurtasun aginduei jarraituz, bisitak babestuta egon daitezen.

Segurtasun neurriak

Gaur egungo pandemia oztopo izan ez dadin, segurtasun neurriak ezarri dituzte Sarako leizeetan, bertaratu nahi duen orok bisitatu ahal izan dezan. Bisita gidatuetako taldeak ohi baino murritzagoak izango dira; hala, segurtasun distantziak bermatzea errazagoa izango da; bisitarientzat, eta baita bertako langileentzat ere. Distantziak markatzeko, gainera, seinaleak jarri dituzte lurrean. Norabide bakarreko ibilbidea izango da bisita gidatua, jendearen arteko talkak eta hurbiltzeak eragozteko. Maskararen erabilera derrigorrezkoa izango da, eta bisitariek sarreran bertan eskura izango dute gel hidroalkoholikoa, sartu bezain pronto eman dezaten.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Jedea Bilboko metrotik irteten, maskara jantzita ©Luis Tejido/EFE

Berrehun positiboren langa gainditu da seigarren egunez jarraian Hego Euskal Herrian

Berria

Azken orduetan 224 kasu atzeman dituzte. Positiboetatik 123 Bizkaian detektatu dira.

Gasteizko zahar etxe bateko egoiliar bat bisita jasotzen. ©David Aguilar/EFE

Arabako eta Gipuzkoako zahar etxeetako hamar langilek positibo eman dute

Berria

Gainerako langileei eta egoiliarrei probak egin dizkiete, eta ez da kasu gehiago atzeman oraingoz.

Maskara jantzitako emakume bat Donostiako autobus geltokian, eskailera mekanikoak jaisten. ©Gorka Rubio / FOKU

Pandemiak desberdintasunak sakondu dituela dio Emakunderen txosten batek

Maddi Ane Txoperena Iribarren

Gizon eta emakumeen osasuna, ordaindu gabeko zaintza lanak, enplegua, indarkeria matxista, bazterkeria eta parte hartzea azken hilabeteotan nola aldatu diren aztertu du Emakundek. Egoera hobetzeko gomendioak egin dizkie erakundeei.

Emmanuel Macron Miarritzen (Lapurdi), artxiboko irudian. ©Bob Edme

Zaintza langileentzako sari bat hitzeman du Macronek

Oihana Teyseyre Koskarat

Adinekoez eta elbarrituez arduratzen diren zaintzaileek 1.000 euroko «COVID saria» jasoko dute. Frantziako Estatuak 80 milioi euroko diru laguntza emanen die departamenduei.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna