Prime Time Media ekoiztetxea programa berri bat ari da prestatzen ETB1erako. Bi helburu nagusi izango ditu saioak —oraindik ez diote izena jarri—: kozinatzea eta jende berria ezagutzea. Hautaprobak egiten ari dira azkeneko egunetan, eta parte hartu nahi dutenek helbide elektroniko honetara idatzi behar dute: [email protected]. Iragarri dutenez, sukaldaritzan ez da bereziki trebea izan behar programan parte hartzeko: gutxieneko jakintza batzuekin nahikoa izango dela azaldu dute arduradunek.
Hamabi atal, maiatzetik
ETB1eko saio berria apirilaren 4an hasiko dira grabatzen. Hamabi atal grabatuko dituzte. Euskarazko kateak maiatzetik aurrera emango ditu.
Saioaren egiturari dagokionez, atal bakoitzean lau parte hartzaile egongo dira; horietako hiruk kozinatu egingo dute, laugarren batentzat; laugarrenak «kata itsua» egingo du, hau da, ez du jakingo nork prestatu duen dastatutako jakia. Jatekoa prestatu duten hiru parte hartzaileen artean puntuaziorik handiena duenak aurrez aurreko topaketa bat izango du dastatzailearekin. Funtsean, sukaldaritzaren bitartez jende berria ezagutzea da saio berriaren xedea.
Kozinatu eta jendea ezagutu nahi duen ororentzat, saio bat ETB1en
Iruzkinak
Ez dago iruzkinik
Ordenatu
