Albistea entzun

'Baserria' 'reality show'-aren bigarren denboraldiak eztabaida saioa izango du

24 lehiakidek parte hartuko dute, bi taldetan banatuta. Lau proba baserritik kanpo egin dituzte
Klaudio Landa saioko aurkezlea eta Unai Iparragirre ETBko zuzendaria saioaren aurkezpenean.
Klaudio Landa saioko aurkezlea eta Unai Iparragirre ETBko zuzendaria saioaren aurkezpenean. ENDIKA PORTILLO / FOKU Tamaina handiagoan ikusi

Ainhoa Larretxea Agirre -

2021eko irailak 19

Iazko arrakastari jarraikiz, gaur hasiko da landa eremua eta hiria elkartzen dituen Baserria reality show-aren bigarren denboraldia, ETB1en (22:00). Hainbat aldaketa eta nobedade izango ditu, gainera. Nabarmenena, igandetako saioaren ondotik astearteetan izango den eztabaida saioa. Iazko denboraldiko azken saioan egin bezala, aurten ere saio bakoitza aztertzeko eztabaida programa berezi bat egingo dute, eta hainbat kolaboratzaile ez ezik, lehiakideen senitartekoak eta iazko parte hartzaileak ere agertuko dira hartan.

Reality-aren bigarren aldian, 24 lehiakide izango dira: hamabi kaletar eta hamabi baserritar; iaz bezala, bi taldetan banatuko dituzte: Goienetxeatarrak eta Barrenetxeatarrak. Baserriko bizimoduari buruzko aditu lanetan Amalur Arbelaitz iazko publikoaren faboritoa eta Jon Areitio izango dituzte. Hamabi programaren ondoren erabakiko dute zein bikotek irabaziko duen. Irabazleek 6.000 euroko saria jasoko dute.

Jon Abasolo programako zuzendariak nabarmendu du lehenengo denboraldiarekin alderatuta bigarren hau osoagoa izango dela: «Programa osoagoa da, bai proben aldetik, gogorragoak izango direlako, bai eta azpiegituren aldetik ere». Elementu berri bat ere sartu dute jokoan: joarea. Proben ondorengo negutegian joare soinua entzutean lehiakideentzat garrantzitsua den zerbait gertatuko dela iragarri du Abasolok. Iazko edizioan nabarmendutako baserriaz eta txabolaz gain, hirugarren gune bat ere sartu dute aurten, eta gaurko programan erakutsiko dute.

Abasoloren hitzetan, saioak iaz izandako arrakastaren ondoren errazagoa izan da aurten lehiakideak aurkitzea. Hautaketa prozesuan, ordea, batez ere emakume baserritarrak aurkitzeko zailtasunak izan dituztela nabarmendu du: «Emakume baserritarrak aurkitzea kostatu zaigu. Badirudi gizonak utz dezakeela baserria, baina, emakumeak uztean, hutsunea gehiago nabaritzen dela».

Gautegiz-Arteagako (Bizkaia) Baratze baserrian egin dituzte grabaketak udan, eta, nobedade moduan, baserritik kanpo grabatu dituzte lau proba. Gautegiz-Arteagan bertan bat, eta Urdaibain (Bizkaia), Bilbon eta Gesaltza Añanan (Araba) gainontzekoak.

Twitchen ere bai

Estreinaldiaren aitzinetik, Twitch plataforman Baserria-ren inguruko saioa egingo dute. Jon Fernandez Gazteako esatariak aurkeztuko du, eta Alex Padilla sare sozialetan adituak eta Amaia Barandiaran iazko lehiakideak parte hartuko dute. Gainera, TikTok sare sozialean ere presentzia izango du saioak.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Bastidako (Nafarroa Beherea) Maddi Leglisek irabazi du aurtengo Baionako xingarraren feriako azpi lehiaketa. ©BOB EDME

Xingar feriak aro berria

Ainize Madariaga

Pazkoz ireki beharrean atzo ireki ditu bortak Baionako 558. Xingar Feriak. Lau egunetik hirura laburtu dute, igandera arte, eta karpa erraldoi batean bildu. Ostatuak gauerdian hetsiko dira.
 ©EIDER EIBAR

Beste aldetik dator erantzuna

Iker Tubia

Adimen artifiziala erabilita hildako pertsona baten gisan erantzun dezakete txatbotek, edo izan daitezke konpainia egiten duen lagunaren ilusioa, Replika aplikazioa bezala. Galdera, zalantza eta arazo anitz sortu ditzake teknologia horrek filosofiaren eta psikologiaren ikuspegitik.

 ©ANDONI CANELLADA / FOKU

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.