SEPEk azalpenak eman ditu ordainketei buruz

Hil hasieran zenbait arazo informatiko izan zituen SEPE Espainiako enplegu zerbitzu publikoak, eta atzeratu egin ziren langabezia sarien eta beste laguntza batzuen ordainketak. Orain, SEPEk jakinarazi du, «bere aldetik», ordainketak hilaren 10etik 15erako tartean egiten dituela, hori dela epe ofiziala. Argitu du langabezia saria lehenago jaso izan dutenei finantza entitateek beren ekimenez aurreratu dietela, pandemia dela eta.