Albistea entzun

Zortea susmo izan ez dadin

Urteko bigarren garaipena eskuratu nahi du bihar Realak, Anoetan, Espanyolen aurka. Zurutuzak zuntz haustura du, eta ez da ariko
Mikel Oiartzabal eta Mikel Merino.
Mikel Oiartzabal eta Mikel Merino. JUAN HERRERO / EFE Tamaina handiagoan ikusi

Jon Ander De la Hoz -

2019ko urtarrilak 13

Orri asko bete ditu Realak iragan igandean lortutako garaipenak. Real Madril ahalguztiduna azpiratu zuten donostiarrek, eta beti du distira halako emaitza batek. Alabaina, ligak aurrera jarraitzen du, eta orri berri bat idaztea dagokie bihar txuri-urdinei. Espanyol izango dute aurkari, Anoetan, eta Madrilgo garaipena ez zela zorte kontua izan frogatu nahi dute.

Ez da erraza izango. Kataluniarrak Realaren aurretik daude sailkapenean, bi puntu gehiagorekin, eta lehen itzuli ona egin dute. Gainera, atsedenerako egun bat gehiago izan dute, asteazkenean jokatu baitzuten Espainiako Kopako final-zortzirenetako joaneko partida, Vila-realen aurka. Ostegunean egin zuen Realak.

Betisen aurkako partida hark zenbait ondorio ekarri dizkie donostiarrei. Bi jokalarik arazoak izan dituzte neurketaren ondoren: David Zurutuzak eta Robin Le Normandek. Zurutuzak zuntz haustura bat du ezker zangoan, eta ez da ariko Espanyolen aurka. Frantziarrak, berriz, kolpe bat jaso zuen eskuineko zangoan, baina taldekideekin osatu zuen atzoko entrenamendua, eta jokatzeko moduan izango da. Baita Ruben Pardo eta Sandro Ramirez ere. Bi jokalariak ez ziren aritu ostegunean, eta harmailatik ikusi behar izan zuten partida. Imanol Alguacilen esanetara izango dira bihar, eta oriotarrak erabakiko du jokatuko duten ala ez.

Antzekoa gertatuko da Geronimo Rulli eta Miguel Angel Moyarekin ere. Bi atezainen artean erabaki beharko du Alguacilek; azken bi partidetan argentinarra aritu da, eta joko ona erakutsi du. Bata ala bestea aritu, ondo aritu beharko dute gainontzeko hamar jokalariek ere, Espanyol gainditzeko.

REALA-ESPANYOL

Reala. Rulli; Zaldua, Diego Llorente, Hector Moreno, Theo; Zubeldia, Illarramendi, Merino; Oiartzabal, Januzaj eta Willian Jose.

Espanyol. Diego Lopez; David Lopez, Didac Vila, Duarte, Rosales; Marc Roca, Melendo, Piatti. Darder; eta Borja Iglesias.

Epailea. Del Cerro Grande.

Lekua. Anoeta (28.000 ikusle).

Ordua. Bihar, 21:00 (Gol).

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Irizpidea duzulako. Giroan zabiltzalako.

Zuk badakizulako.

Albiste gehiago

Gizonezkoen 23 urtez azpiko taldea, brontzezko domina jaso berritan, Gaur, Getxon. ©Lur Gil / BERRIA

Beste brontze batekin amaitu da Munduko Sokatira Txapelketa

Lur Gil

Gizonezkoen 23 urtez azpiko mailan lortu du gaur euskal selekzioak hirugarren postua. Osotara 7 domina geratu dira etxean: urrezko lau eta brontzezko hiru.

Olaizola eta Zabaleta, txapelak buruan, gaur Ogeta pilotalekuan. ©Jaizki Fontaneda/ Foku

Aimar Olaizolak azken txapel profesionala lortu du

Berria

Nagusi izan dira gorriak partidaren hasieratik.

Tolosaldeako arraunlariak, atzoko saioan. ©Aitor Arrizabalaga / FOKU

Tolosaldea eta Getaria maila nagusira igo dira

Berria

Hondarribia, ordea, jaitsi egin da, azken lau urteotan maila nagusian egon ostean. Getariak Eusko Label Ligarako txartela lortu du, gaurko saioan irabazita.

'Sotera' ontziko arraunlariak, gaurko garaipena ospatzen. ©Monika del Valle / FOKU

Santurtzik eraman du bigarren Eusko Label Liga jarraian

Berria

Bi segundo baino ez dizkiote atera santurtziarrek oriotarrei, emozio handiko estropadan.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Egin BERRIAlaguna

Irizpidea duzulako. Giroan zabiltzalako.

Zuk badakizulako.

Egin BERRIAlaguna