Albistea entzun

BIRA

Burua

Onintza Enbeita -

2022ko azaroak 27

Batzuetan kosta egiten da burua lasaitzea. Sentsazio itogarria da. Eserita zaudela egin gabeko gauzak gogorarazten dizkizu, eta zerbait egiten ari zarenean hurrengo egin behar duzuna. Amaitzen dituzu leku batean egin beharreko lanak eta zeure burua harrapatzen duzu joateko presa zergatik daukazun esplikatzen. Eta bazoaz hurrengo geltokira, eta berdin. Pentsatzen duzu ez duzula zertan azalpenik eman, baina azkar doaz ideiak eta nahi gabe bezala esaten duzu dena. Batzuetan pentsamenduen abiadura hain da azkarra ze, iruditzen baitzaizu gelditzen direnean mundua lehertu egingo dela. Ze gauza harrigarria den burua! Izan ere, azkar joan dadin behar duzunean badaki astiro joaten ere. Ez dakit zer den hobea, dena den: azkar doanean eustea ala astiro doanean jasatea.

Buruak gidatzen gaitu sentimenduek hainbeste. Buruak sendatzen eta gaixotzen gaitu, buruari esker eusten dugu lehian erori gabe, burua daukagulako pentsatzen dugu eta norbaitek esan zuen pentsatzen dugulako bagarela. Hala ere, ze gutxi zaintzen dugun geure burua. Ze erraz jotzen dugun lotarako piluletara eta zeinen zaila zaigun buruak ematen dizkigun pistak ulertzea. Norbere burua arakatzea ez da beti ariketa norberekoia: bizirik irautetik bizitzerako saltoa emateko modu bakarra da askotan.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Gaiak

Albiste gehiago

Arrosarioa
 ©BERRIA

Garai konplexuei aurre egiteko kazetaritza bat

Beatriz Zabalondo - BERRIA Taldeko lehendakaria / Martxelo Otamendi - BERRIAko zuzendaria

Iaz BERRIA Taldeak egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...