Eutanasia. Espainiako Kongresuko prozedura

Tramiterako onartu dute eutanasia erregulatzeko lege proposamena

Espainiako Kongresuko talde parlamentario guztien babesa lortu du PSOEk, PPrena izan ezik. Monton «oso gustura» agertu da emaitzarekin. Zaintza aringarria hobetu beharra azpimarratu dute
PSOEko Adriana Lastra eta Espainiako Osasun ministro Carmen Monton, atzo, eutanasiaren inguruko lege proposamenaren eztabaidan.
PSOEko Adriana Lastra eta Espainiako Osasun ministro Carmen Monton, atzo, eutanasiaren inguruko lege proposamenaren eztabaidan. FERNANDO ALVARADO / EFE Tamaina handiagoan ikusi

Iosu Alberdi -

2018ko ekainak 27

Eutanasia arautzeko lege proposamena tramiterako onartu zuen atzo Espainiako Kongresuak. PSOEk aurkeztuta, talde parlamentario guztien babesa lortu du, PPrena izan ezik. Proposamenak gaixotasun larri eta sendaezin bat dutenei edo desgaitasun larriak dituztenei hiltzen laguntzea aurreikusten du, sufrimendu psikiko edo fisiko jasanezinak badituzte: «Sufrimendua luzatzea saihesteko». Espainiako Osasun ministro Carmen Monton «oso gustura» agertu zen Kongresuak proposamena tramiterako onartuta: «Segurtasun juridikoa eta berme medikoa emango ditu». Gobernuaren xedea lege proposamena onartzea izango da orain, agintaldia amaitu aurretik. Hala esan zuen Pedro Sanchez presidenteak.

PSOEko bozeramaile Adriana Lastrak aurkeztu zuen proposamena osoko bilkuran, eta adierazi gaia konplexua dela, «etikoki, juridikoki eta medikoki». Bozeramaileak nabarmendu zuen eutanasia «muturreko kasuetan» bakarrik erabiliko dela, eta, «erabakia zaila» den arren, herritarren «azken eskubidea» erregulatu beharra dagoela. Izan ere, gaixoen eskubideak kontuan hartzeko eskatu zuen, duintasunerako eta askatasunerako eskubideak bermatu beharra azpimarratuta.

Lastraren esanetan, eutanasiaren erregulazioa «ezinbestekoa» da. Gaur egun, bada tramiterako onartua dagoen eutanasia despenalizatzeko beste proposamen bat. Hura Kataluniako Parlamentuak eraman zuen Espainiako Kongresura, eta maiatzean tramiterako onartu zuten han. Proposamen hark, ordea, zigorrak ezabatzearen alde egiten du, erregulatu gabe. Gaur egun, bi eta hamar urte arteko espetxe zigorra jaso dezake norbaiti bere buruaz beste egiten laguntzen dion orok.

Unidos Podemoseko Eva Garciak adierazi zuen atzokoa «egun garrantzitsua» izan zela, eta gogoratu Kongresuan eutanasiaz hitz egiten den hemezortzigarren aldia dela. Podemosen ustez, zaintza aringarriek «mugak» dituzte, eta eutanasiaren printzipio gidaria ezin da «sufrimendua» izan, gaixoaren «autonomia» baizik: «Norbaitek 'ezin dut gehiago' esaten duenean». Horregatik adierazi zuen ez litzatekeela justua izango pertsona bat noiz hil behar den beste batek erabakitzea. «Libre izatearen defentsa azkenera arte», gehitu zuen, DMD heriotza duinaren aldeko elkarteko presidente Luis Montes zenari erreferentzia eginez.

EAJko diputatu Joseba Agirretxeak adierazi zuen ahal den guztia egin behar dela gaixoek bizitzen jarraitu nahi izateko, baina gehitu zuen ez dela gauza bera bizi nahi izatea eta bizitzea: «Okerrena da hil nahi izatea bizi ezin duelako, eta hil ezin izatea». Zaintza aringarriak hobetuz gaixo larrien bizitza hobetzea alderdi guztiek aipatu zuten zerbait izan zen. ERCko Joan Olorizek azpimarratu zuen, ordea, askotan ez dela nahikoa zaintza hobetzea, eta bizitzari eta heriotzari aurre egiteko askatasunaren aldeko pausoak eman behar direla nabarmendu zuen: «Beharrezko tresnak ditugu duintasunez hiltzea posible izan dadin. Bizitza eskubide bat da, ez betebehar bat». PDeCATek ere bide beretik jo zuen, eta adierazi zuen erabakitze eskubidea herritarrek nahi duten punturaino eraman behar dela. Horrez gain, erregulazioak medikuntzako profesionalak babestuko dituela uste dute katalanek.

Ciudadanosek ere «askatasuna» nabarmendu zuen, proposamena babestean. Halere, eurek aurkeztutako eskubide eta bermeen lege proposamenaren defentsan zentratu zuen hitzaldia Francisco Igeak. Besteak beste, etxean hiltzeko eskubideari aipamena eginez: «Aberatsek bakarrik erabakitzen dute, txiroak bakarrik hiltzen dira». Alderdiaren esanetan, 50.000 dira zaintza aringarriak behar dutenak eta haiek gabe hiltzen direnak.

Eutanasia, «porrota»

Zaintza aringarriak izan zituen hizpide PPk ere, eta gogor jo zuen eutanasia erregulatzearen aurka: «Eutanasiaz hitz egitea porrotaz hitz egitea da. Porrot politiko, mediko eta soziala». PPk adierazi zuen uko egiten diola onartzeari eutanasia gaixoei eman ahal zaien «erantzun bakarra» dela. Horrez gain, gaixo larrietatik hasi eta zaintza aringarriei «eremua irabaziz» joango dela uste dute: «Etika medikoak sufrimendua ezabatzea du helburu, ez gaixoa». Popularrekin bat egin zuen UPNk, bizitzarako eskubidea «amaiera naturalera arte» defendatu behar dela esanez. Bestela, ahulenak hilko direla esan zuen, «gehien bakartuak daudenak».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Donostiako Ramontxu Berri tabernan egondako 683 laguni egin ziete proba, atzo ©Gorka Rubio / Foku

Hego Euskal Herrian, 492 positibo

Berria

Pertsona bat hil da Nafarroan, uztailaren 15etik lehena. Uztailaren 27tik abuztuaren 3ra Galdakaoko Muguru tabernan izan ziren 420 laguni PCR proba egingo diete, eta Donostian PCR-ak egiten jarraituko dute Ramontxu Berriko bezeroei.

Iñigo Urkullu Eusko Jaurlaritzako lehendakaria, iragan astelehenean, Gasteizen ©Jaizki Fontaneda / Foku

«Erantzukizunerako» deia egin du Iñigo Urkulluk

Joxerra Senar

Sare sozialetan zabaldutako ohar batean, Eusko Jaurlaritzako jarduneko lehendakariak ohartarazi du «denen artean ahal den guztia» egin behar dela lehen olatuan bizitako egoera dramatikora ez itzultzeko.

 ©ARITZ LOIOLA / FOKU

Eragile guztiekin biltzeko eskatu dio oposizioak Eusko Jaurlaritzari

Olatz Esteban Ezkati

538 positibo atzeman dituzte Hego Euskal Herrian, iragan astean halako bi. Ospitaleratzeak ere bikoiztu egin dira egun batean: 103 pertsona daude erietxean.

 ©RAUL BOGAJO / FOKU

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Iosu Alberdi

Informazio osagarria