Albistea entzun

Eperik gabe atzeratu dute eskola segregazioari heltzea

Legebiltzarreko osoko bilkurak atzera bota du herri ekinbide legegilea, EAJ, PSE-EE eta PPren botoekin. Hezkuntza Legean jarri dute arreta
Atzoko eztabaida. Irudian, Xabin Zubiri.
Atzoko eztabaida. Irudian, Xabin Zubiri. JAIZKI FONTANEDA / FOKU Tamaina handiagoan ikusi

Jon Rejado -

2018ko urriak 5 - Gasteiz

Eusko Legebiltzarreko talde guztiak bat datoz: hezkuntza sistema kohesionatzera jo behar da, eta eskola segregazioa saihestu behar da. Ordea, hori erdiesteko neurriak epe jakinik gabe atzeratzea erabaki zuten atzo, osoko bilkuran. EH Bilduk eta Elkarrekin Podemosek Zubiak Eraikiz plataformaren herri ekinbidea eztabaidatzearen alde bozkatu zuten. EAJk, PSE-EEk eta PPk, berriz, aurka egin zuten. Ekinaldian proposatutako ideietatik abiatuta araudi bat egin beharrean, bidean dagoen EAEko Hezkuntza Legean gaia jorratzearen alde egin zuten.

Osoko bilkuran, begi gehienak PSE-EEren aulkietan egon ziren jarrita. Alderdi sozialistak babesa eman zion herri ekinbide legegileari lehen unetik. Ordea, irail erdialdean, Eusko Jaurlaritza ekinbidea tramitatzearen kontra azaldu zen, eta, horrekin batera, PSE-EEk iritzia aldatu zuen. Iritzi aldaketa irudikatu zuen atzo, Zubiak Eraikiz-en proposamenaren aurka bozkatuz. Juan Antonio Pastorrek erabakia argudiatu zuen, eta esan zuen Hezkuntza Legea dela gaia behar bezala lantzeko lekua. Halaber, Eusko Jaurlaritzak abiarazi dituen neurri batzuk nabarmendu zituen. Ideia horiek berretsi eta nabarmendu zituen Jone Berriozabal EAJko legebiltzarkideak: «Kontrakoa esan bada ere, hezkuntza administrazioa ez dago geldi».

PPko legebiltzarkide Juana Bengoetxeak adierazi zuen eztabaidaren ardatza beste bat dela: finantzaketa.

Neurri «aringarriak»

Zubiak Eraikiz-eko kide Xabin Zubirik defendatu zuen herri ekinbidea osoko bilkuran. Legebiltzarkideen aurrean esan zuen egun inor gutxik ukatzen duela kohesio falta. Horri aurre egiteko proposamenen inguruan bi bide daudela gaineratu zuen. Batetik neurri «aringarriak» daude: «Txiroarentzako diru apur bat, irakasleren bat gehiago...». Bestetik, sareen artean dauden desorekak «apurtzera» jo behar da: «Egoera okerragoan dauden zentroetan eragiteaz gain, egoera pribilegiatuan daudenengan ere eragitea».

Rebeka Ubera EH Bilduko legebiltzarkideak neurri azkarren beharra defendatu zuen legebiltzarrean. Hezkuntza sistemak «porrot» egin duela nabarmendu zuen: «Gizarte paraleloak sortzen ari gara; egoera dramatikoa da, eta, hau gainditzen ez badugu, larrutik ordainduko dugu». Iritzi bertsua agertu zuen Elkarrekin Podemoseko Iñigo Martinezek. «Hezkuntza eredua ez da bidezkoa, ez da barneratzailea, eta, bikaina bada, borroka egiten duten langileengatik da».

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Elantxobeko portua, artxiboko irudi batean. ©Marisol Ramirez / Foku

Urpekari bat hilda atera dute uretatik Elantxoben

Berria

10:00ak aldera atera dute gorpua, herritar batek abisua eman ostean. Ikerketa zabaldu du Ertzaintzak.

Suhiltzaile bat lanean, artxiboko irudi batean. ©Juan Carlos Ruiz / Foku

95 urteko gizon bat hil da Bilbon, bere etxeak su hartu eta gero

Berria

02:00ak aldera gertatu da ezbeharra. Gizona bizirik atera dute suhiltzaileek, baina ospitalean hil da.

Ihintz Oliden, AEK-ko Ipar Euskal Herriko koordinatzailea. ©Guillaume Fauveau

«Zaila da irakasleak atzematea eta atxikitzea»

Iñaki Etxeleku - Ipar Euskal Herriko Hitza

Urrian, AEK-k erakundeei galdegin zien laguntzak emenda ditzatela bere irakasleek hilabete sari duinak ukan ditzaten. Ez da deus aitzinatu geroztik, baina ikasleen galdea beti berdin azkarra da.

Erdiz Bizirik-ek manifestazio bat eginen du Iruñean

Erdiz Bizirik-ek manifestazio bat eginen du Iruñean

Iker Tubia

Apirilaren 22an izango da, Landa Eremuaren Nazioarteko Egunean. Erdizen egin asmo duten meategiaren kontrako protestetan ari dira

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.