Noiz sortua: 2018-08-26 00:30:00

Puntuan jarri du erlojua

Rohan Dennis izan da azkarrena erlojupekoan, eta lehen liderra da Espainiako Vueltan. Ion Izagirre bikain aritu da; Richie Porte, gaizki
Rohan Dennis, Espainiako Vueltako maillot gorriarekin, atzo.
Rohan Dennis, Espainiako Vueltako maillot gorriarekin, atzo. MANUEL BRUQUE / EFE Tamaina handiagoan ikusi

Julen Etxeberria -

2018ko abuztuak 26

Rohan Dennisek (BMC) jantzi du aurreneko maillot gorria aurten Espainiako Vueltan. Txirrindulari australiarra izan zen azkarrena atzo Malagan (Espainia), zortzi kilometroko erlojupekoan. Faboritoen artean zegoen, eta ez zuen huts egin. Nagusitasunez irabazi zuen, gainera, hasi eta bukatu izan baitzen azkarrena. Harengandik sei segundora sailkatu zen Michal Kwiatkowski (Sky), eta zazpira Victor Campenaerts (Lotto-Soudal). Jonathan Castroviejo (Sky) izan zen onena euskal txirrindularien artean, zazpigarren izan baitzen, Dennisengandik 21 segundora.

Castroviejorengandik segundo bakarrera eta irabazlearengandik 22ra sailkatu zen Ion Izagirre (Bahrain). Ormaiztegiarrak bezperan esana zion BERRIAri «sasoiko» iritsi zela Vueltara, eta atzo agerian utzi zuen, hura izan baitzen onena sailkapen nagusia lehiatuko dutenen artean, Wilco Keldermanekin batera (Sunweb). Izagirrek eta Keldermanek bi segundo atera zizkioten Alejandro Valverderi (Movistar) eta Gorka Izagirreri (Bahrain) —bikain aritu zen Izagirre anaietan zaharrena—; bost Bauke Mollemari (Trek); zazpi Steven Kruijswijki (Lotto-Jumbo) eta Simon Yatesi (Mitchelton); zortzi Nairo Quintanari (Movistar) eta Ilnur Zakarini (Katuxa); hamabi Enric Mas (Quick Step) eta Rafal Majkari (Bora); hamahiru Miguel Angel Lopezi (Astana); hamasei Dan Martini (UAE); hamazazpi Fabio Aruri (UAE); hemezortzi Thibaut Pinoti (FDJ), Vincenzo Nibaliri (Bahrain) eta Adam Yatesi (Mitchelton); 23 Rigoberto Urani (Education First) eta David de la Cruzi (Sky); eta 29 Richie Porteri (BMC). Azken hori izan zen galtzailea atzo. Gastroenteritis batek oso ahul utzi du, eta jada aurreratu du ez dela Vuelta irabazteko lehian izango.

Goian amaituko dute gaur

Marbella eta Caminito del Rey artean jokatuko da gaur bigarren etapa, 163,5 kilometrokoa. Ekitaldi honetan goian amaituko diren bederatzi etapetako bat da. Guadalhorce hirugarren mailako gainean dago helmuga. 7,1 kilometroko luzera eta %2,8ko batez besteko pendiza du. Ihesaldientzat aproposa izan daiteke, baita oilarren bat mugitu dadin ere.

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Guardia bat pertsona bezero bati tenperatura hartzen, saltoki baten sarreran, Panama Hirian. ©Bienvenido Velasco / EFE

Munduan sei milioi pertsona baino gehiago kutsatu ditu birusak

Berria

375.000 pertsona hil dira COVID-19aren eraginez. Horien artean 105.000, Ameriketako Estatu Batuetan.

Gallartako agerraldiaren irudia, Josu Erkorekaren Twitter kontuan agertua ©@Jerkoreka

Urkulluk Euskal Herri osoan ibiltzea baimentzeko eskatu die Frantziari eta Espainiari

Gotzon Hermosilla

Jaurlaritzak espero du Araba, Bizkaia eta Gipuzkoa hirugarren fasera pasatuko direla astelehenetik aurrera.

Adegiko zuzendaritzako kideak, gaurko agerraldian. ©ANDONI CANELLADA / FOKU

Adegi bat dator ELArekin erregulazioan daudenen soldata osatzeko

Xabier Martin

Osatze horiek egin ahal izateko finantzaketa, ordea, ez du nahi "bakarrik enpresaren bizkar uztea". Ekonomia %7 eta %10 artean uzkurtuko dela aurreikusi du Gipuzkoako patronalak, eta azken bi urteetan sortu diren 12.000 enpleguak galdu egingo direla.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna
Julen Etxeberria

Informazio osagarria

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna