Albistea entzun

Netflixek 203,7 milioi harpidedun ditu, eta gorantz doa

2020. urtean, beste 36,5 milioi harpidetza bereganatu ditu plataformak. 2019arekin alderatuz, %47,9 handitu dira enpresaren irabaziak
Netflix plataformako <em>Lupin</em> telesail frantziarra markak hausten ari da. Argazkian, Omar Sy aktore protagonista.
Netflix plataformako Lupin telesail frantziarra markak hausten ari da. Argazkian, Omar Sy aktore protagonista. NETFLIX Tamaina handiagoan ikusi

Urtzi Urkizu -

2021eko urtarrilak 24

Orain arteko daturik onenak lortu ditu 2020. urtean Netflix plataformak. Nahiz eta merkatura lehiakide berriak iritsi diren, eta lehiakide batzuen indarra handia den, aurtengo urtea ere etekin ekonomikoz betea izan dezake streaming bidezko zerbitzu horrek. Joan den urtean, beste 36,5 milioi harpidetza lortu zituen Netflixek, eta, hortaz, 203,7 milioi harpidetza ditu gaur egun.

Harpidedun horien banaketa geografikoan, AEBetakoek pisu handiagoa zuten duela urte batzuk, baina azkenaldian beste kontinente batzuetan ari dira bezero berri gehien erakartzen. Egun, 73,9 milioi harpidedun dira Ipar Amerikakoak; 66,7 milioi Europakoak, Ekialde Hurbilekoak eta Afrikakoak; 37,5 milioi Latinoamerikakoak; eta 25,5 milioi Asia-Ozeano Barea eremukoak.

Netflixek datuak argitara eman eta berehala, enpresak burtsan dituen akzioek gorantz egin dute: %10 baino gehiago.

Kontuan hartzeko moduko datua da Netflixek 2020an 2.272 milioi euroren irabaziak izan zituela —aurreko urtean baino %47,9 gehiago—. Pandemiak eta herrialde askotan izan duten derrigorrezko konfinamenduak eragina izan dute plataformaren harpidedunen gorakadan. Urteko azken hiruhilekoa ez zen hain ona izan, eta, aurreko hiruhilekoarekin alderatuz, %31 gutxitu zitzaizkion irabaziak. 446 milioi euro irabazi zituen enpresak urritik abendura, eta 8,5 milioi harpidedun gehiago hasi ziren zerbitzua erabiltzen. 2021erako iragarpenak ere onak dira: urtarriletik martxora irabaziak handitzea espero dute, eta beste sei milioi harpidedun egitea epe horretan.

Dauzkan harpidetzak mantendu eta berriak egiteko asmoz, Netflixek iragarri du aurten 71 pelikula propio estreinatuko dituela. Hartara, urteko aste guztietan egongo da Netflix Originals deiturako pelikula bat. Kopuruan, behintzat, bere lehiakideak gaindituko ditu. Telesailei dagokienez, mundu osoan arrakasta lortu duten fikzio batzuen atal berriak iritsiko dira: La casa de papel-en bosgarren eta azkeneko denboraldia; Ozark-en laugarren eta azkenekoa; The Witcher-en bigarrena; Stranger Things-en laugarrena; Atypical-en azkenekoa; eta Elite-ren laugarrena, besteak beste. Plataformak 500 ekoizpen ditu postprodukzio fasean.

Zenbait telesailen datuak ere eman ditu: The Witcher izan da estreinatu eta hurrengo lau asteetan ikus-entzule gehien izan duena (76 milioi); Frantziako Lupin telesailak, halaber, sekulako arrakasta lortu du, eta espero da 70 milioi ikus-entzule izatea bere lehen lau asteetan; Bridgerton telesailak 63 milioi ikusle bereganatu ditu, eta asteon iragarri dute bigarren denboraldia grabatuko dutela; eta The Queen's Gambit-ek 62 milioi ikusle erakarri ditu.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

 ©GUILLAUME FAUVEAU

«Galtzagorriak behar ditugu. Indar hori, euskaldunak, galtzagorriak gara»

Ainize Madariaga

Libe Goñi Garatek eta euskarak gorputz bakarra osatzen dute. Seaskako lehen andereñoa izan denak bizia eman du bere artatzen eta transmititzen. Olentzero, taloak, kantua eta dantzak ere zabaltzen aritu zen. Orain, reiki irakaslea da.
Ilaski Serranok eta Saioa Martijak Martxoaren 8ari buruzko <em>Ahoz aho</em> berezia prestatu dute bihar arratsalderako. ©ETB

Martxoaren 8ari lotutako makina bat saio izango da ikusgai egunotan

Urtzi Urkizu

ETB1en 'Ahoz aho' berezia egingo dute bihar. Hamaika telebistan emakume arrazializatuen inguruan arituko dira bihar, 22:00etan

Bi pertsona, animaliei begira, Zumas behatokitik. ©RAUL BOGAJO / FOKU

Hezeguneko sinergia

Amaia Ramirez de Okariz Kortabarria

Landareek eta hegaztiek bat egiten dute Gasteizko Salburua parkean, eta bizia ematen diote hezeguneari. Ataria interpretazio zentroak natur ibilbideak eskaintzen ditu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.