Albistea entzun

Pandemiak musikaturiko lana

'The Million Things That Never Happened' disko berria kaleratu du Billy Bragg kantari ingelesak
Billy Bragg kantari ingelesa, 2018an, Londresen egindako kontzertu batean.
Billy Bragg kantari ingelesa, 2018an, Londresen egindako kontzertu batean. FACUNDO ARRIZABALAGA / EFE / EPA Tamaina handiagoan ikusi

Ainize Madariaga -

2021eko urriak 24

Billy Bragg kantariak The Million Things That Never Happened diskoa aterako du heldu den ortziralean. Berez, 2020. urtea errepidean igarotzea aurreikusia zuen, 2021erako album berria egiteko, eta bidaian ideiak atzematea espero zuen kontzertuetako audio balantzeetan. Alta, aitortu du iraganean arazo pertsonalek bidetik urrundu dutela, eta kantuak idatzi izan dituela, preseski, gertakari haiek onartzeko. Aldi honetan, ordea, herritar guztien bizitzetan eragin duen «esperientzia unibertsala» izan da, «orain arte sekula bizi gabekoa». Lehen itxialdiak eragotzi zizkion biren hutsunea erreprodukzio zerrenda eta klipekin bete zuen, «entzuleekin konektatuz». Baina bigarren itxialdiak, 2020 bukaeran, gogoa ilundu ziola onartu du. Hala, Romeo Stodart eta Dave Izumi musikariekin bildu da estudioan, eta horrela hasi dira album berrirako kantuen osatzen: «Aurkeztu didate kantuak egiteko manera berri bat; zinez prezatu dut, ikusirik egoerak zenbat kokatu ninduen». Hala ere, The Million Things That Never Happened diskoa ez da pandemiaz beraz ari, baizik eta albuma egiteko pairatu dituzten hondar urte biotako gorabeherez.

Kantari ingelesarentzat I Will Be Your Shield kantua da albumaren «bihotza eta arima». Ondorioztatu baitu enpatia dela musikaren lema; autore-konpositore gisa haren lana dela jendeari haien sentimenduak onartzen laguntzea, entzuleak bizi dituen egoera bertsuak bertze batzuek nola kudeatzen dituzten erakutsiz. «Bizi izan duguna bizi izan ondoren, ene baitan sakonki durundatzen dt ezkutu psikologiko, emozional eta fisikoa izateak».

Folk eta punk-rock musika du egiten Braggek. Hasieran amodioa bazuen ere gai nagusia —Sexuality (1991) du singlerik ezagunena—, Margaret Thatcherren gobernuaren politikak asaldatu zuen, eta gai politikoak lantzen hasi zen. Bertzeak bertze, 1984ko meatzarien greba sostengatu zuen. Bere burua sozialistatzat du, ezker muturrean kokatzen du; antifaxista, antirrazista, antisexista eta antihomofoboa da. Gizarte kosmopolitaren alde ari da lanean, batzuetan eskuin muturreko Erresuma Batuko Alderdi Nazionalari gogor aitzin eginez.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Bisitariak salmahaietako batean, atzo, Durangoko 56. Azokan. ©GORKA RUBIO / FOKU

Ezohiko azoka baten neurrian

Ainhoa Sarasola

Durangoko 56. Azokaren «balorazio positiboa» egin dute antolatzaileek. Landakon orotara 25.000 lagunetik gora bildu direla adierazi dute, eta kulturazaleen ardura txalotu. Salmentetan izan da alderik

Oskia Ugarte Abarzuza (Uharte zentroa), Sahatsa Jauregi Azkarate (Okela), Maria Mur Dean (Conssoni) eta Diana Franco (Kabia), atzo. ©GORKA RUBIO / FOKU

Ekoizpen digitalaren markak

Itziar Ugarte Irizar

Oskia Ugarte, Sahatsa Jauregi eta Maria Mur sorkuntza digitalaren inguruan aritu dira, Kabia gunean. Edozein egileren lana prisma horretatik harago begiratzearen alde egin dute
Ekhiotz Prieto eta Urko Peral, atzo, <em>Atarian.eus</em> plataformaren aurkezpen ekitaldian. ©GORKA RUBIO / FOKU

Eszena babesteko aterpe bat

Andoni Imaz

'Atarian.eus' guneak musika bideoak era «jasangarrian» emateko asmoa du, harpidetzen bidez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.