Atzo goizean Iruñean izandako sexu eraso bat ikertzen ari da Polizia. Hala jakinarazi du Enrique Maia alkateak. Biktimak salaketa jarri eta ordu gutxira atzeman zuten. Maiak, halere, zuhurtziaz jokatzeko eskatu zuen. Adierazi zuen erasoa «abusu» bat izan zela ustez, eta ez dutela «beharrezkotzat» jo udalaren protokoloa abiatzea.
Eraso horrez gain, Espainiako Poliziak Alemanian iaz izandako bortxaketa baten ustezko egilea atxiki zuen atzo Antsoainen (Nafarroa). Alemaniako Poliziak igorria zuen hura atxilotzeko agindua, eta Europolek poliziei ohartarazi zien Iruñean egon zitekeela. Atxilotua 27 urteko gizon bat da. 2018ko irailean Munichen (Alemania) neska bat bortxatu izana leporatzen diote. Horrez gain, poliziek uste dute zerikusia duela Torrejon de Ardozen (Madril) izandako beste sexu eraso batekin.
Bi gizon atxilotu dituzte sexu erasoekin lotuta
Iruzkinak
Ez dago iruzkinik
Ordenatu