Billy el Niño eta beste lau polizia frankista ikertuko dituzte estreinako aldiz

«Gizateriaren kontrako delituak» egin ote dituzten aztertuko du epaile batek. Franco ateratzeko erabakiari helegitea jarriko dio sendiak
Gonzalez Pacheco epaileen aurrean deklaratzen, 2014an.
Gonzalez Pacheco epaileen aurrean deklaratzen, 2014an. ZIPI / EFE Tamaina handiagoan ikusi

Erredakzioa -

2019ko martxoak 8

Lehenengo aldiz, Espainiako epaile batek aintzat hartu du Antonio Gonzalez Pacheco Billy el Niño eta beste lau polizia frankistaren kontra jarritako kereila, eta ikertu egingo du «gizateriaren kontrako krimenik» egin ote duten. Orain arte, 30 kereila inguru aurkeztu dituzte Billy el Niñoren kontra, baina horixe da onartu duten lehenengoa.

Miguel Angel Gomezek jarri du kereila. Salatu duenez, birritan atxilotu zuten frankismoaren garaian, LCR Liga Komunista Iraultzaileko kide zelarik, 1971n eta 1973an, eta torturatu egin zuten polizia etxean inkomunikatuta egon zen bitartean.

1973ko atxiloaldiaren ostean, esaterako, hamabost egun eman behar izan zituen erietxean kartzelara sartu aurretik. Autoan, Maria Isabel Durantez epaileak esan du «zigor arau-hauste baten zantzuak» egon daitezkeela Gomezek salatutako gertaeretan.

Ceaqua frankismoaren biktimen plataformak adierazi du «aurrerapena» dela Gonzalez Pacheco eta gainerakoen kontrako kereila onartu izana, eta biktimen «bultzadari» esker gertatu dela hori.

Plataformaren ustez, urrats horrek balio beharko luke fiskaltzak bere irizpideak alda ditzan «hain delitu larriak» aztertzean.

Franco sendiaren helegitea

Francisco Franco diktadorearen senitartekoek iragarri dute helegitea aurkeztuko dutela Espainiako Auzitegi Gorenean, Espainiako Gobernuak diktadorearen gorpuzkiak Erorien Haranetik ateratzeko hartutako erabakiaren kontra. Halaber, eskatuko dute Gorenak horren inguruan ebatzi bitartean erabakia bertan behera uzteko.

Espainiako Gobernuari igorritako eskutitz batean, Francoren senitartekoek berretsi dute haiek Madrilgo Almudenako katedralean ehortziko lituzketela diktadorearen gorpuzkiak hobitik aterako balituzte. Espainiako Gobernuak behin baino gehiagotan adierazi du ez duela ontzat jotzen irtenbide hori, oso litekeena delako han Francoren aldeko omenaldiak ugaltzea.

Hala ere, Francoren senitartekoek ez dute beste lekuren bat proposatzeko asmorik, Auzitegi Gorenak, helegitea atzera botata, horretara behartu ezean.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Oxford Unibertsitateko laborategiko ikerlari bat, lanean. ©JOHN CAIRNS/ EFE

Sanchezek iragarri duen txertaketa plan bateratua kritikatu du Jaurlaritzak

Edurne Begiristain

Urkulluk ez du begi onez ikusi txertaketa estrategia aurrez erkidegoekin ez alderatzea. Astrazenecak eta Oxfordek esan dute beraien txertoak %70ko eraginkortasuna duela

Herritarrak, atzo, Azpeitiko plaza nagusi inguruan. Euskaraldiak parte hartze handia izango du bertan. ©GOTZON ARANBURU / FOKU

Arnasguneen arnasa luzatzeko

Lander Muñagorri Garmendia

Euskararen erabilera oso hedatuta dago Azpeitian: kaleko paisaian nagusi den hizkuntza da, eta kaleko elkarrizketa gehienetan presente dago. Halere, Euskaraldian parte hartzeko arrazoiak ere badaudela diote Euskara zinegotziak eta ariketaren dinamizatzaileak. Egoera hori indartu behar baita.

<b>PCR probak Gurutzetako ospitalean, artxiboko irudi batean.</b> ©L. JAUREGIALTZO / FOKU

Egun bakarrean 612 kasu positibo atzeman dira Hego Euskal Herrian

Uxue Rey Gorraiz

Urriaren 6tik aitzina izandako kasu kopururik apalena zenbatu dute Hegoaldean. 182 lagun daude ZIUetan ospitaleratuta COVID-19agatik

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.