Polizia kontrolen areagotzea jomugan

CIMADE, Anafe, eta Amnesty International elkarteek salatu dute mugako kontrolen areagotzeak migratzaileentzako arriskuak handitzen dituela, eta, beraz, geroz eta heriotza gehiago «gerta daitekeela». Gogora ekarri dute jada sei direla Gipuzkoa eta Lapurdi arteko mugan hildakoak. Iragan asteartean Ziburun (Lapurdi) hiru migratzaile hil ziren, trenak harrapatuta. Aurten, beste bi, Bidasoa ibaia zeharkatzen ito ziren, eta batek bere buruaz beste egin zuen. «Giza eskubideen aurkako eginmoldeak» gaitzetsi dituzte.