Bilbotik abiatuko da bihar Euskal Herrio Itzulia, eta arratsaldero ETB1 katean ikusi ahalko dira etapen amaierak. Egunero, larunbatean Itzulia Arraten (Eibar, Gipuzkoa) amaitzen den arte, 15:00etan hasiko dute emankizuna. Txirrindularitza probaren kontakizuna Fermin Aramendik eta Xabier Usabiagak egingo dute, eta errepidean gertatzen denaa, berriz, Alfontso Arroiok kontatuko du. Euskadi Irratian, Joxe Mari Apaolaza, Arritxu Iribar, Mikel Astarloza, Jon Altuna eta Eugenio Goikoetxea arituko dira kontakizuna egiten.
'Hamaika itzuli'
Hamaika telebistan, bestalde, bihartik aurrera Hamaikaitzuli saioa gidatuko du Eñaut Gantxegi aktoreak (19:00etan eta 23:00etan ikusi ahalko da). Euskal Herriko Itzuliko etapa bakoitzeko helmugako elkarrizketa eta kontakizunak emango dituzte, baina ez hori bakarrik. Izan ere, Gantxegik Itzuliaren ibilbide orria hartu eta zenbait mendate igoko ditu bizikleta gainean. Euskal Herriko bazterrak arakatu eta askotariko lekukotzak bilduko ditu: Meatzaldeko herritarrak, Balmasedakoak, Jaizkibelgo oroimen historikoaren ikerlariak edota Ane Santesteban txirrindulari profesionala.
Euskal Herriko Itzulia, ETB1en zuzenean; beste modu batez, Hamaikan
Iruzkinak
Ez dago iruzkinik
Ordenatu
