Mercedes Gasteiz plantan ez dute kaleratzerik espero

Igor Gebara Mercedesen Gasteizko langile batzordeko presidenteak esan du ez dituztela espero «neurri traumatikoak; adibidez, kaleratzeak». Fabrikaren jarduera apaldu egin da urte hasieratik, dieselaren krisiak gogor jo duelako han. Hainbat geldialdi egin dituzte, baina batzordeak ez du uste erregulazio dosier bat iritsi behar duenik.