Musika. Asian Dub Foundation 'Access Denied'

Aldarrikapena dantzatuz

Diskoetxea: X Ray Production.

Ihintza Orbegozo -

2020ko azaroak 22

Denbora luzea da Asian Dub Foundation talde britainiarraren berririk ez nuela —ez geldi egon direlako, nik alde batera utzita izan dudalako baizik—, eta sorpresa hartu dut disko berria argitaratu dutela ikusi, entzuten jarri eta oraindik duela urte dezentetako indar bera dutela konturatzean. Asko lotu izan da taldea aktibismo politikoarekin, euren hitzek helarazten duten mezuengatik, eta taldekideek askotan kritikatu izan dute hori, mezu horiek zabaltzeaz gain musika ere egiten dutela aldarrikatuz.

Arrazoirik ez zaie falta, izugarrizko nahaste musikala egiten baitute, ongi kontrolatutakoa baina. Lan berri honetan ere estilo ezberdinak jorratzen dituzte, baina abestiak inoiz baino landuagoak direla iruditu zait. Mindlock ,esaterako, diskoaren lehen entzunaldian atentzioa ematen duten horietakoa da, danbor industrial batekin indarrez hasi eta segituan gitarraren notak gainetik hasten direnean tentsio sentsazioa emanez, bat-batean baxuaren danbada sartu arte. Hortik aurrera punk, dub edota jazz industrial tankerak azaltzen dira, intentsitatea mantenduz ondorengo hiru minutuetan ere. Argi nabari da oraindik sabela suz beterik dutela, duela 25 urteko egurra ematen jarraitzeko kapaz baitira, publikoaren gorputzak mugitu eta garunak martxan jarriz, lehenengo eguna izango balitz bezala, baina mende laurdeneko ibilbidean jasotako esperientzia bizkarrean dutelarik. Comin 'Over-en parodia bat azaltzen digute, europarrak Britainia Handira lanpostuak lapurtzera joaten direnarena, lehen aipaturiko kritika politikoa presente delarik, baita Youthquake Pr.1-en ere, Greta Thunberg aktibista klimatikoaren diskurtso bati musika jarriz sortu baitute abestia. 47 Soul palestinar hip-hop taldearekin ere elkarlanean, Human 47 kanta osatu dute, bertako dantza musika tradizionala hip-hop doinuekin uztartuz eta, nola ez, herrialde horretako egoera salatuz. Kolaborazio andana horretan aurkitzen da jada mundu mailako sona duen Ana Tijoux txiletarra, aldarrikapena doinu grabez beteriko melodiaz bustitzen entzun dezakeguna Frontline Santiago-n. Steve Savale gitarra jotzaileak diskoari buruz esan bezala, «musika hau ez da derrotista, ez da giltzaperatu eta mundutik ihes egitekoa, ongi pasatzeko beharra aprobetxatzen du, parranda eta dantza egiteko, gauzak dauden moduaren aurka eginez».

25 urte pasatu dira taldea sortu zenetik, eta oraindik hasiera hartan bat baino gehiago harritu zituen indar eta energia mantentzen dute, dub baxuak, punk gitarrak, oihaneko erritmoak eta rapeatzaile aldarrikatzailearen ahotsa nahastuz, taldekide aldaketa ugari izan badira ere esentzia bere horretan mantendu den seinale. Access Denied honetan betiko Asian Dub Foundation aurkituko dugu, parranda eta dantzarako gogoz, baina mundu osoko injustiziak salatzeko prest, hasierako freskotasuna mantenduz.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Albiste gehiago

Xabier Lete, <em>Egunsentiaren esku izoztuak</em> liburua aurkezten, 2008an. ©JON URBE / FOKU

EKLOSIO BAT HAMAR URTEREN ONDOREN

Ane Eslava

Efemeridea, testuingurua, zorra, aitortza, ardura... Elementu ugari egon daitezke Xabier Leteren inguruan sortzen ari diren ikerketa, obra eta omenaldiak arrazoitzeko. Hutsune bat bazegoen, eta betetzen hasi da. Baina oraindik bada lanik Leteren puzzlea osatzeko.

 ©ARXINA

«Espainiako Estatuaren sakoneko kultura militarra da»

Montse Dopico

Ramon Baltar galegista errepublikazalearen bidez kontatu du Galiziako frankismo garaiko barne erresistentzia Suso del Toro idazleak. 'Nòs' egunkariak elkarrizketatu du, 'Un señor elegante' liburuaren harira.
<em>Ehiza</em> animazio film laburraren fotograma bat. ©HAUAZKENA TALDEA

'Ehiza' filmari eman diote Lekeitioko Urrezko Antzara

Amagoia Gurrutxaga Uranga

Lanaren ausardia goratu dute 43. Zine Bilerako epaimahaikideek. Zuzendaritza onenaren saria Aitor Mendilibarrek eta Ibon Goikok jaso dute
 ©BERRIA

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.