Noiz sortua: 2018-09-14 00:30:00

Arronategi eta Igarriz Zuerara eta Logroñora lekualdatuko ditu Madrilek

Erredakzioa -

2018ko irailak 14

Espainiako Espetxe Zuzendaritzak ohar baten bidez jakinarazi zuen atzo bi euskal preso Euskal Herritik gertuago dauden espetxeetara lekualdatzeko agindua eman duela. Marta Igarriz eta Kepa Arronategi dira lekualdatuko dituzten bi presoak. Marta Igarriz Castelloko espetxetik (Herrialde Katalanak) Logroñokora (Errioxa, Espainia) lekualdatuko dute, eta Kepa Arronategi, berriz, Almeriako espetxetik (Andaluzia, Espainia) Zuerako espetxera (Zaragoza, Espainia).

Marta Igarriz hernaniarra 2005etik dago preso, eta 15 urteko espetxe zigorra ari da betetzen —ETAren laguntzailetzat jota—. Beteak ditu ezarritako zigorraren hiru laurdenak. Joan den uztailean, Espetxe Zuzendaritzak lehen gradutik bigarrenera aldatzeko eskaria onartu zion. Kepa Arronategi gernikarra, bestalde, 1997. urtetik dago preso —ETAko kide izatea, hilketak egitea eta Espainiako erregea hiltzen saiatzea egotzi eta 158 urteko zigorra ezarri zioten—. Gaixo larri dago, eta hori izan liteke hura tokiz aldatzeko arrazoi nagusia, Espetxe Zuzendaritzaren oharrak halako argibiderik ematen ez badu ere.

Etxerat-en eskaria

Etxerat elkarteak lekualdatze horien berri jakin aurretik egin zuen agerraldia atzo goizean. Bertan, euskal presoen urruntze politika amaitzeko eskatu zion Espainiako Gobernuari, eta bide horretan oraindik ere «inolako aurrerapausorik» ez ematea leporatu zion. «Kea saldu du gobernu espainiarrak. Euskal gizartearen itxaropenekin eta senideen sufrimenduarekin jolasten ari dira», nabarmendu zuten Patricia Velez eta Urtzi Errazkin eledunek.

Arratsaldean, ohar baten bidez baloratu zituzten Arronategiren eta Igarrizen balizko lekualdatzeak. Bertan diote Zuerako eta Logroñoko espetxeetan «beti» egon izan direla euskal presoak —Zueran bederatzi daudela egun eta Logroñon beste bat—, eta ez dagoela haiek eta beste euskal preso guztiak Zaballara ez hurbiltzeko «arrazoi bakar bat ere».

Goizeko buletina

BERRIAren papereko edizioaren gai nagusiak biltzen ditu egunero (astelehenetan salbu). Goizean goiz iristen da zure posta elektronikora.

Albiste gehiago

Ekainaren 1ean eguneratua, 19:00etan. ©BERRIA

Koronabirusaren azken datuak

Berria

Azkeneko 24 orduetan ez da inor hil COVID-19 gaitzaren eraginez. Bost positibo atzeman dituzte PCR probekin, eta 11 gaixo ospitaleratu dituzte. Euskal Herrian 29.309 gaixok eman dute positibo guztira, koronabirusa atzemateko probaren bat eginda. Horietatik 2.066 hil dira. Grafikoak, albiste barruan.

Bizkaiko pentsionistak protestan, pasa den astean. ©Luis Jauregialtzo, FOKU

Koronabirusak zahar etxeetan izandako eragina ikertzeko eskatu du Bizkaiko Pentsionisten Mugimenduak

Berria

Protesta egin dute gaur Bizkaiko pentsiodunek Bilboko udaletxearen aitzinean, eta argi utzi dute ez dutela murrizketarik onartuko osasun publikoan eta pentsioetan. Pentsiodunek zahar etxeen inguruko informazioa eskatu diete Eusko Jaurlaritzari eta Bizkaiko Aldundiari, baina ez dute erantzunik jaso. 

Gasteizko Txagorritxu ospitaleko Mikrobiologiako langileak, proba serologikoak aztertzen. ©Gorka Rubio / Foku

Hegoaldean ez da gaixorik hil azken 24 orduetan

Andoni Imaz

Araban, Bizkaian eta Gipuzkoan ez dute PCR bidezko positiborik atzeman, hiru hilabetean lehen aldiz. Azken orduetan, koronabirusaz kutsatutako hamar lagun ospitaleratu dituzte; hiru, ZIUn.

Zahar etxeetan gertatutakoa argitzeko eskatu dute pentsiodunek gaurko mobilizazioetan. ©Aritz Loiola / FOKU

Leiho berriak mugikortasunari (eguneko laburpena)

Pello Urzelai

Euskal Herrian ez da izan hildakorik azken orduetan. PCR proba bidezko positibo berriak gutxi izan dira: bost, denak Nafarroan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

BERRIAlagunei esker eskaintzen dugu balioz osatutako informazioa. Egizu ekarpena gure eginkizunarekin segi dezagun.

Izan zaitez BERRIAlaguna