CDR errepublikaren defentsarako batzordeek protestarako deia egin zuten atzo ere. Protesta nagusia Kataluniako Barne Kontseilaritzaren aurrean egin zen, Bartzelonan. Ehunka lagun elkartu ziren «preso politikoen» askatasuna eta Miquel Buch Barne kontseilariaren dimisioa eskatzeko.
Barne kontseilaritzaren aurreko protesta gauzatu bitartean, CUPek deitutako hautetsien bilera egin zen, «autodeterminazio eskubidearen aldeko» kargudunak biltzeko. CUPekoekin batera, JxCko, ERCko eta En Comu Podemeko hainbat hautetsik hartu zuten parte, alderdi horiek bileraren aurka agertu arren. CUPen arabera, parte hartu zuten 300 hautetsi ingurutik gutxienez 181 ez ziren alderdi horretakoak. «Elektoralistatzat» jo du bilera ERCk, eta Carles Puigdemonten Errepublikarako Kontseiluak bultzatu nahi duena lehenetsi du JxCk.
Protestak aurrera doaz, batasun saiakera artean
Iruzkinak
Ez dago iruzkinik
Ordenatu