SOSLAIA. Imanol Olaizola

EOSen sustatzaile eta lehen gidari

IMANOL OTEGI / FOKU

Gorka Erostarbe Leunda -

2018ko apirilak 20
«Oraindik ere interesez jarraitzen zion orkestraren ibilbideari». Ohar baten bidez azaldu zuen Euskadiko Orkestra Sinfonikoak (EOS) Imanol Olaizolaren (Donostia, 1920) heriotzak sortutako atsekabea. Herenegun gauean zendu zen, 98 urte zituela. EOS-en sustatzailea eta lehen presidentea izan zen, ikasketaz kimikaria izan arren, musikazale erabatekoa ere bai baitzen.

Euskadiko Orkestra Sinfonikoa abian jartzeko enkargua jaso aurretik, 60ko hamarkadan, parte hartu zuen Gipuzkoako Abesbatzen Jaialdiaren, Bach jaialdiaren eta Donostiako Jazzaldiaren sorreran. Aurrerago beste kargu batzuk ere izan zituen, Euskalerriaren Adiskideen Elkartean, Easo Abesbatzan eta Eusko Ikaskuntzan, adibidez.

1981eko uztailean, Eusko Jaurlaritzaren Kultura saileko zuzendaria zela, ordura arte amestutakoa errealitate bihurtzeko aukera izan zuen. Ramon Labaien Kultura sailburuak eta Carlos Garaikoetxea lehendakariak eskatuta, «Euskal Herriko Orkestra» izan asmo zuenaren oinarriak idatzi zituen, hamasei orritan. 1982ko apirilaren 20an ofizialki eratuta geratu zen Euskadiko Orkestra Sinfonikoa, idatzi publiko bidez, eta Imanol Olaizola izendatu zuten lehen Administrazio Kontseiluko presidente.

Orkestrak bere oroimenari eskaini zion atzo Gasteizko Printzipal antzokian emandako kontzertua, eta gauza bera egingo du gaur Donostiako Kursaalean izango denean ere. Olaizolari agur esateko hileta elizkizuna gaur egingo da (19:00etan), Donostiako San Bizente elizan.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna