Albistea entzun

HIZPIDEAK

Bi aurpegiko ongietorria

Eider Goenaga Lizaso -

2022ko abuztuak 28 - @EiderGoenaga

Urruñako elizan aterpe hartuta zeuden hamabi migratzaile atxilotzeko polizia operazioa antolatu zuten herenegun. Bakoitzak izango du bere istorioa, bakoitzak bere arrazoiak eta, seguru-seguru, bizipen gogorrak dituztela denek, bai euren herrialdeetan eta baita Europara iristeko bidean ere. Amets hori betea zutela sinistuta zeudenean, ametsa hautsi diete. Ikusteko dago zer gertatuko den hamabi atxilotuekin, baina halakoetan zuzenean itzularazten dituztela ari dira salatzen errefuxiatuekin lan egiten duten taldeak.

Bestalde, aste honetan, Ukrainako gerra hasi zenetik sei hilabete bete direnean, administrazioetatik, harrotasunez, eta eskuzabaltasun keinu izugarria balitz bezala, datuak eman dituzte. Hego Euskal Herrian 5.161 asilo eskaera onartu dizkiete Ukrainatik ihesi etorritakoei. Jaurlaritzak 1,2 milioi euro eman ditu laguntzetan, eta eskoletan sartu eta integratzeko laguntza eskaini diete.

Eta bai, harrotzeko modukoa litzateke, iristen diren beste migrante guztiekin ere modu berean jokatuko balitz. Baina, ez. Azalaren koloreak eta jatorriak baldintzatzen du etorkinari egiten zaion harrera, eta sei hilotan nabarmena da bi aurpegi dituela egiten zaien ongietorriak. Ongi Etorri Errefuxiatuak taldeak Marea Hori batekin egin zuen salaketa ikusgai, atzo, Plentzia eta Gorliz artean.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...