Albistea entzun

HIZPIDEAK

Heriotza, zaintzaren osagarri

Jon Ordoñez Garmendia -

2019ko irailak 1 - @jonordoez

Heriotzaz behar baino gutxiago hitz egiten den arren, sarri hitz egiten da eutanasiaz erabaki bakan baten gisan. Lehen zantzuak, diagnostikoa, tratamendua, osasunaren galera, oinazea... Gaixotze prozesua luzea izan daiteke, eta, medikuntzak gaitz bat sendatu ezin duenean eta horrek pertsonaren galera dakarrenean, prozesu horri amaiera ematen dion azken puntutzat jotzen da eutanasia. Hala, zaintza medikoaren eta zainketa aringarrien kontrapuntutzat jo daiteke.

Bateko eta besteko minak, psikologikoak eta fisikoak, norberarenak eta ingurukoenak, pertsona ordezkatzen duenean, ordea, modu duin batez hiltzea ez da erabaki bakan bat, baizik eta gaixotasun bat pairatzen ari den pertsona baten zaintza osatzen duen beste bat. Heriotza duina zaintzaren osagarri baita, eta minez biziaraztea edo modu bizigabean bizitzea, edozein ikuspegitatik, zaintzaren eta pertsonaren kontrakoa.

Gizartea geroz eta zaharragoa da, eta bizitza luzatzeak ez dakar beti osasuna mantentzea. Harrigarria da, horregatik, zainketa aringarriek —formakuntzan— eta eutanasiak —praktikan— ez izatea merezi duten aitortza. Pertsona baten bizitzan momentu jakin batean ezinbestekoak izan baitaitezke. Heriotza bizitzaren gainbeheran hasten delako, eta duin hiltzea bizitzaren osagarri delako.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

 ©BERRIA

Garai konplexuei aurre egiteko kazetaritza bat

Beatriz Zabalondo - Berria Taldeko lehendakaria / Martxelo Otamendi - BERRIAko zuzendaria

Iaz BERRIA Taldea egindakoaren errepasoa duzu hau. Kazetaritza da gure eginkizuna, euskarazko kalitateko kazetaritza; erreferente informatiboa izatea helburu. Beraz, hortik hasi dugu errepasoa, gero arlo ekonomikoari, komunitateari eta erronka berriei leku egiteko.

Irautea iraultzea denean

Estitxu Garai, Naiara Pinedo eta Zuriñe Rodriguez

Zure ahotsa errazago zapaltzea, moztea. Ostean datorren gizonak zure iritzia gutxiestea. Gizonen maiztasuna handiagoa izatea. Gizonak finkoak izatea, zu aldakorra. Mahaiko emakume bakarra izatea naturalizatzera iristea. Zure hitzei ez entzunarena egitea, beti euren artean elkarri erreferentziak egitea.

Zuretzat bihotzez, Elizabeth Hadley
Ondoeza

Kinka buletina

Klima larrialdiari eta ingurumenari buruzko azken berriak zabaltzen dituen buletina.

Iruzkinak kargatzen...