Albistea entzun

HIZPIDEAK

2.000 blokeatze eredugarri

Amagoia Mujika Tolaretxipi -

2022ko uztailak 24 - @mmuxika

Miarritzeko aireportua, trenbidea, errepideak, zubiak, herrietarako sarbideak... Pausu, Hendaia, Ziburu, Donibane Lohizune, Azkaine, Donibane Garazi, Ezpeleta, Maule... Aireportuan hasi, eta errenkadan etorri dira blokeoak, Frantziako Poliziari erronka jota, aurrez aurre dituztela. Bakegileek iragarritako fase berria bete-betean sartu da.

Ekintza indartsua, zehatza, ikusgarria izan da atzokoa, desobedientzia zibilaren erakusle argia: kolektiboki, baina nork bere arduraz eta modu ez-bortitzean aritu dira 2.000 ekintzaile inguru; izan ere, mobilizazioa eta protesta beste tresnarik ez da geratzen botereak eztabaida publikoari eta demokratikoari ateak ixten dizkionean, estatuak ezer aldatzeko prest ez daudenean. 26 pertsona atxilotu dituzte, ia mila identifikatu dituzte, baina, arrisku hori zegoela jakinda ere, ausartu dira arduraz Ipar Euskal Herria hankaz gora jartzera, presoekin eta bake prozesuarekin zer gertatzen ari den inork ez baleki.

Injustizia eta urraketak eraldatzeko beharra baitago. Bake prozesua desblokeatzeko blokeatze bat baino gehiago beharko dira, baina Bakegileen ekinaldiak balio dezake inoiz protestara batu ez direnak erakartzeko, eskatzen dena zilegia baita, eta ekintza, duina.

Sareko BERRIAzalea:

Udazkenean, BERRIAlagun egiteko pausoa eman dezazun, eskaintza bat egin nahi dizu BERRIAk. Herri baten kulturaren plaza da BERRIA. Kultur egitasmo, dinamika eta ekitaldi anitzen erakustoki. Euskal kulturaren inguruko informazioaren plaza handia. Azaroan eta abenduan, Euskaraldiak, Bertsolari Txapelketa Nagusiak eta Durangoko azokak hartuko dituzte, besteak beste, BERRIAren orrietako asko, paperean eta webgunean.

Albiste asko irakurriko dituzu, segur aski webgune honetan bertan. Eta eskari bat egin nahi dizugu: har ezazu konpromisoa irakurtzen duzunarekin. Irakurleen babes ekonomikoa funtsezkoa da BERRIAren etorkizuna ziurtatzeko.

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Iruzkinak kargatzen...