Azal gogorreko liburu ertaina da (23x25cm), 32 orrialde dituena eta, kortesiazko hasiera eta amaierako orririk ezean, kontrazaleko barruko orria ere kontakizunaren parte duena.
Ez da liburu sailka-erraza: komikiaren bunbuiloak erabiltzen dira, baina binetarik ez; testuak kontakizunaren gidaritza darama, baina irudirik gabe hankamotza litzateke; eta alderantziz, albumetako ilustrazioei dagokien ahalmen narratiboa irenduta agertzen da, aldian aldiko gag umoretsuak plazaratzeko baino ez.
Orrialde hondoak kolore masak dira, estetikoak diruditen irizpideen araberakoak.
Ilustrazioak sortzeko mache papera erabiltzeak mesede egiten dio lanari: irudiei bolumena eta dinamismoa eman zaie, eta irakurlearekiko gertutasuna zein emozioa areagotu egiten dira.
Aktoreak hiru multzotan agertzen dira: Gorka protagonista eta ama, zikinkeriaren zomorroak, eta ikaskideak. Garrantzia ere ordena horretan dute.
Liburuaren helburua irakaspen da, garbitasunari buruzkoa; Gorka protagonistak, beldurraren eraginez, garbitzearen ontasuna zein den ikasiko du: zikinaren zomorroek ez dute xaboia maite.
HAUR ETA GAZTE LITERATURA. 'Gorka Kaputz eta bere zomorroak'
Zolda
Idazlea eta ilustratzailea: Raquel Samitier. Itzultzailea: Etor Iraola. Argitaletxea : Denonartean.
Iruzkinak
Ez dago iruzkinik
Ordenatu