2018ko ekainaren 23a
00:00
Bueltan da Musikaren Besta jaialdia Donibane Garazin: gaur hasiko da festa, eta bihar goizaldera arte luzatuko da. Musika ibilaldiarekin ekingo diote jaiari: Iparralai musika eskolako ikasleek alaituko dituzte Donibane Garaziko karrikak. Herriko tabernetan 19:00etan hasiko da kantu poteoa. Parrandarekin jarraitu nahi dutenentzat, gaualdean merkatu estalian, hainbat kontzertu antolatu dituzte. Europako hainbat txokotako artistak izango dira merkatuan: A la Bonheur, Falta eta Koban taldeak eta DJ Shlvce musikaria. Rock swing, post rock, electro swing eta drum'n'bass doinuek girotuko dute festa. San Joan sua 22:30ean piztuko dute.
Musikaren Besta
Gaur, 15:00etan hasita, Donibane Garazin.