Albistea entzun
Emakumeen aurkako indarkeriari ez
Emakumeen aurkako indarkeriari ez
Emakumeen aurkako indarkeriari ez

Durangoko azoka. ANALISIA

Trantsiziozko azoka bat

Iñigo Astiz -

2021eko azaroak 24

Ez da janari edo edaririk saltzen; orokorrean, patxadatsua da jendearen joan-etorria, eta, han edo hemen sor daitezkeen jende pilaketak kenduta, eraikinean ez du zertan inolako aireztatze arazorik egon, Landako guneko ate guztiak parez pare irekiz gero, adibidez. Edonola ere, pandemiaren bilakaera ikusirik, zuhurtziaz jokatu, eta Durangoko Azokarako sarrera ordenatzeko saiakera egitea erabaki dute Gerediaga elkarteak eta Durangoko Udalak. Txandaka eta aurrez izena emanda bakarrik sartu ahalko dira bisitariak salmahaiak ikustera eta zuzeneko emanaldietara. Maskara jantzita beti. Argi ikus daiteke osasun alorrean bainarik txikienari ere zirrikiturik ez uztea erabaki dutela antolatzaileek.

Ez da izango Durangoko Azoka posiblerik onena; ziurra da hori, baina Durangoko Azoka fisikoa posible egitea izan da antolatzaileen helburua. Argi igar daiteke asmo bakar hori iragarri dituzten neurrietako bakoitzaren hondoan. Eta irailean BERRIAri eskainitako elkarrizketan ere, Beñat Gaztelurrutia Gerediaga elkarteko kudeatzaileak garden azaldu zuen zergatik gotortu behar zen presentzialtasuna: «Azoka da, modu masibo eta kontzentratuan, euskal kultura ukigarri egiten duen gertakari handienetakoa, handiena ez bada».

Antolatzaileek erabateko salbuespen bihurtu nahi izan dute iazko azoka digitala. Durangoko Azoka berriz ere salmenta gune huts bilakatuz gero, galdu egiten direlako euskal kulturak eskas xamar dituen dentsitatea, ikusgaitasuna eta igurtzia.

Eta, noski, ekonomikoak ere badira motiboak. Pandemia aurreko azken azoketan 5,5 milioi euroren salmentak egin zirela kalkula daiteke, Siadeco ikerketa etxeak egindako azterketak oinarri hartuta; horrekin alderatuta, eta lorpen handia izanik ere, 400.000 euroren inguruan ibili ziren iazko salmenta digitalak.

Bi mutur horien artean, pandemia aurreko azokarantz gerturatuz joateko aukerak ziurtatzen dituen azoka bat egitea hautatu dute antolatzaileek. Ez da onena, baina bada.

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Langile bat paper sortak mugitzen, Leitzaran inprimategian, Andoainen (Gipuzkoa). ©JAGOBA MANTEROLA / FOKU

Urrialdia pasatzeko zain

Andoni Imaz

Paperaren eskasiak eta banaketaren gorabeherek arazoak sortu dituzte inprimategi eta argitaletxeetan. Materiala aldatu behar izan dute, eta argitalpenen bat atzeratu.

Iban Zaldua, atzo, <em>Nola izan garen gauza</em> liburua eskuetan hartuta. ©MAIALEN ANDRES / FOKU

«Gauzaren» bueltako obra oso bat

Andoni Imaz

Iban Zalduak euskal gatazkaren inguruan idatzi dituen ipuinen bilduma bat egin du: 'Nola izan garen gauza'. Erein etxeak eman du argitara

 ©MAIALEN ANDRES / @FOKU

Ahalduntze baterako esperimentu politikoa

Gorka Arrese

Henry David Thoreau idazlearen 'Walden' euskaratu du Danele Sarriugartek. Bi urtez basoko txabola batean bizitzeari buruzko esperientziaren kronika bat da. Politikoa eta poetikoa du idazkera

 ©MARISOL RAMIREZ / @FOKU

Arte unitate minimoa

Iñigo Astiz

Maria Helena Vieira da Silva artistaren hamabi artelan ikusgai jarri ditu Bilboko Arte Ederren Museoak, Bilboko FIG azokarekin elkarlanean

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.