EH Bilduk estatutua betetzeko egutegia eskatu dio Madrili

Edurne Begiristain -

2018ko urtarrilak 24
Eusko Legebiltzarrean datozen hilabeteak «erabakigarriak» izango direla-eta, EAEko Estatutu Politiko berria zehazteko, EH Bildurentzat garrantzi handia dauka eztabaida horrek «abiapuntu sendoa» izateak. Horregatik, Espainiako Gobernuari eskatu dio bi hilabeteko epean Gernikako Estatutua osorik betetzeko programa eta egutegia igortzeko Jaurlaritzari eta Eusko Legebiltzarrari. EH Bilduk legez besteko proposamen batean jaso du eskaera hori. Mahaiak atzo bertan onartu zuen ekinbidea tramitera, eta osoko bilkura batean eztabaidatuko dute.

Maddalen Iriarte eta Pello Urizar legebiltzarkideen aburuz, estatus berriaren eztabaidaren ardatza erabakitzeko eskubideak izan behar du, eta, horretarako, bidean dauden «interferentzia» guztiak kendu behar dira. Haien ustez, Autogobernu Batzordearen lana estatutua ez betetzeak «blokatzen» du eta ez erabakitzeko eskubideak. «Alferrikakoa da eskumen berriez mintzatzea duela 39 urte aitortu baziren, baina oraindik bete gabe baldin badaude eta Espainiako Gobernua blokeo horretan tematzen bada». Estatutua betetzea «betebeharra» ez ezik, estatus politiko berria eztabaidatzeko eta adosteko «gutxieneko bermea» ere badela iritzi dio EH Bilduk, eta, horregatik, talde guztiei dei egin die eskaera horrekin bat egin dezaten.

Berme sistema bat

Bide beretik, beste legez besteko proposamen batean, itun politiko berriaren inguruko «berme sistema» bat ezartzea bilatuko du koalizioak. Hala, EH Bilduk Espainiako Gobernuari eskatu dio Eusko Legebiltzarrak hitzartzen duen akordioa «demokratikoki» aintzat hartzeko eta «errespetatzeko». Urizarrek azaldu duenez, taldeek estatus politiko berriaren oinarriak adosteari ekin aurretik, legebiltzarrak babestu beharko luke itun politikoak «berme demokratikoak» betetzen dituela, eta, era berean, Madrili eskatu adostutakoa osotasunean errespetatuko duela.

Irakurle agurgarria:

Honaino iritsi zarenez, eskaera bat egin nahi dizugu: irakurtzen ari zaren edukia eta egunkaria babestea, konpromiso ekonomikoa hartuz. Publizitatea eta erakundeen diru-laguntzak ez dira nahikoa BERRIAren etorkizuna bermatzeko. Sarean eskaintzen dizugun edukia irakurtzen duzuen milaka irakurleek proiektuari ekarpena eginda, urrutira iritsiko ginateke.

Kazetaritza libre, ireki eta independentea egin nahi dugu euskaldunontzat. Euskaraz informatzea delako gure eginkizuna, eta zure eskubidea.Lagun gaitzazu bide horretan. Idatzi gurekin etorkizuna. Geroa zugan.

Martxelo Otamendi
BERRIAko zuzendaria

Izan zaitez BERRIAlaguna

Izan zaitez BERRIAlaguna

Irakurtzen ari zaren edukia libre ematen jarraitu nahi dugu. Euskaraz informatzea da gure eginkizuna, zure eskubidea. Sareko irakurlea bazara, konprometitu zaitez irakurtzen ari zarenarekin. Geroa zugan.

Izan zaitez BERRIAlaguna