Albistea entzun

Iñigo Ramirez de Okariz. Irakaslea

«Klaustroan adostu behar dira irizpideak eta estrategia»

Huhezin eskolak ematen dizkie Ramirez de Okarizek irakaslegaiei; eskolek kultur ondarea taxuz transmititzeko hezkuntza komunitatean txertatuta jardun behar dutela defendatzen du.
BERRIA Tamaina handiagoan ikusi

Arantxa Iraola -

2018ko urriak 9

Doktore tesian propio landu zuen Iñigo Ramirez de Okarizek zer eginkizun duten ikastetxeek kultur ondarearen transmisioan. Huhezin ematen dituen eskoletan jorratzen duen gaietako bat da. Bere herrian ere —Antzuolakoa da (Gipuzkoa)— ikusi du kasu praktiko bat: izan ere, mairuaren alardea deitutakoa aski usadio errotua dute bertan, eta hori eraberritzeko eta biziberritzeko prozesuan parte hartu zuen.

Kultur ondarearen transmisioa nola landu behar da eskoletan?

Berariaz landu beharreko material gisa, ez: zeharka. Sarri eskoletara iristen dira makina bat gai monografiko apalategietan geratzen direnak. Hori saihesteko, aproposena horrelako gaiak zeharka sartzea da; klaustroak ikusi beharko du curriculum barruan non gertatzen den ondoen, baina inoiz ez dira halakoak berariaz landu behar, baizik eta testuinguruak aginduta.

Baina landu behar dira...

Bai, LH Lehen Hezkuntzan, adibidez, ingurune hurbila izaten da erreferentzia; hortik abiatzen gara mundura. Herriko edozein gai hartzen dugula ere, edozein materia edo gairekin lot dezakegu. Adibidez, usadio eta ohiturak lantzen baditut, eremua zabaldu, eta nazioartekoak ere landu ditzaket: aukera paregabeak ematen ditu. Hor dagoen gaietako bat da irakasleek zenbateko ezagutza duten gai zenbaitekin; gaur egun, gure eskoletan herrikoa bertakoa ez den kanpoko jende asko dabil, eta gai zenbaitek eskatzen dute sentiberatasun bat, jakituria bat.

Usadio bat herrian gatazka iturri bada, ez ukitzea hobe?

Heldu behar zaio buru-belarri, baina, aurrena, ikastetxeak duen curriculumean integratu behar da, eta aurretik klaustro barruan adostu behar dira irizpideak eta estrategiak, eta, hori guztia egin aurretik, adostu behar lirateke hezkuntza komunitatearekin gutxieneko batzuk: denok errespetatzeko. Hor dago hezkuntza eragileen arteko elkarrekintza, eta hori elkarrizketaren bidez gauzatzen da. Elkarrizketarik ez badago, ezingo da horrelako programa bat egin, edo izango dituen emaitzak izango dira iskanbilatsuak. Baina, dudarik gabe, gaia ezin da ezkutatu.

Baina eskolak bakarrik ezin du...

Prozesu hau ez dute irakasleek bakarrik egin behar; elkarrekintzaren beharra ikusten dut. Jende sentiberarekin harremanetan jarri behar da, pertsona sentibera horiek gai izango dira egiten ari diren hori transmititzeko. Poliki-poliki, aliatuak bilatu behar dira.

Ahots denak entzun behar dira?

Aniztasunak prestatu behar gaitu nahi ez duguna ere entzutera.

Ezin arbelean idatzi: 'Alardea'

Sareko BERRIAzalea:

Irakurri berri duzun edukia eta antzekoak zure interesekoak badira, eskari bat egin nahi dizugu: Berria diruz babestea.

Zuk eta zure gisako sareko milaka irakurlek egindako ekarpenarekin, eduki gehiago eta hobeak sortuko ditugu. Eta, zuekin osatutako komunitateari esker, publizitateak eta erakundeen laguntzek bermatzen ez diguten bideragarritasuna lortuko dugu.

Euskarazko kazetaritza libre, ireki eta konprometitua eskaini nahi dizugu egunero; bizi zaren munduaren eta garaiaren berri ematen segitu.

Albiste gehiago

Donostiako alde zaharreko kaleak hutsik, urrian, bigarren alarma egoeran. ©Gorka Rubio/ Foku

Espainiako Auzitegi Konstituzionalak legez kanpokotzat jo du bigarren alarma egoera ere

Edurne Begiristain

Voxen helegitea onartu du bermeen auzitegiko osoko bilkurak. Erabaki horren aurka agertu dira hamar epaileetatik lau.

Euneiz unibertsitate pribatua hartuko duen eraikina. ©JAIZKI FONTANEDA / FOKU

Euneiz sortzeko legearen tramitazioari bidea eman dio Eusko Legebiltzarrak, EAJ, PSE, PP-C's eta Voxen babesarekin

Ion Orzaiz

EH Bilduk argudiatu du «etekin ekonomikoak lortzea xedetzat duen unibertsitate pribatu batek» ezin duela finantzaketa publikorik jaso

Egoiliar eta senitartekoek zahar etxeetako arta ontzat dutela esan du Maite Peñak

Egoiliar eta senitartekoek zahar etxeetako arta ontzat dutela esan du Maite Peñak

Arantxa Iraola

Inkesta bat egin dutela jakinarazi du, eta %74,5k eskaintzen den arreta egokia dela adierazi dutela

Rcardo Etxepare (eskuinean), Noam Chomsky hizkuntzalaria agurtzen, 2006an. ©Imanol Otegi / Foku

EHUko udako ikastaroetako zuzendari ohi Ricardo Etxepare zendu da

Gotzon Hermosilla

Bizitza unibertsitateari lotua eman zuen, baina politikan ere aritu zen eta Irungo alkatea izan zen bolada labur batez

Astekaria

Asteko gai hautatuekin osatutako albiste buletina. Astelehenero, ezinbesteko erreportajeak, elkarrizketak, iritziak eta kronikak zure posta elektronikoan.

Izan BERRIAlaguna

Zure babes ekonomikoa ezinbestekoa zaigu euskarazko kazetaritza independente eta kalitatezkoa egiten segitzeko.